މަހަށް ނިކުމެ އުޅުނު ފައިބަރު ދޯންޏެއް ބިންދައިގެން ހިނގައްޖެއެވެ.
އެމްއެންޑީއެެފް އިން ބުނީ އެ ދޯނީގައި 13 ފަޅުވެރިން ތިބި ކަމަށެވެ.
"ދިރުން-04" ނަމަކަށް ކިޔާ އެ ދޯނި ބިންދައިގެން ދިޔައީ ތ.ކިނބިދޫގެ ހުޅަނގު ދެކުނުން ހަތަރު ނޯޓިކަލް މޭލު ބޭރުންނެވެ. އެ ދޯންޏަކީ 91 ފޫޓްގެ ދޯންޏެކެވެ.
ހާދިސާގެ މައުލޫމާތު ކޯސްޓްގާޑަށް ލިބިފައި ވަނީ މިއަދު ހެނދުނު 07:10 ހާއިރުއެވެ.
ބިންދައިގެން ދިޔަ ދޯންޏަކީ ތ.އަތޮޅު ވޭމަންޑޫ ދޯންޏެކެވެ.
މިހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.