ސިވިލް ސާވިސް ކޮމިޝަން (ސީއެސްސީ)ގެ މެންބަރުކަމުގެ މަގާމުން އެ ކޮމިޝަންގެ މެންބަރު އިބްރާހީމް ޝަހީގު ރައްޔިތުންގެ މަޖިލީހުން މިއަދު ވަކިކޮށްފިއެވެ.
އޭނާ ވަކިކުރަން ފާސްކުރީ ވޯޓުގައި ބައިވެރިވެވަޑައިގެންނެވި 48 މެމްބަރުންގެ އިއްތިފާގުންނެވެ. ޝަހީގުއާއެކު، ސީއެސްސީގެ ރައީސް ޑރ. އަލީ ޝަމީމާއި ނައިބު ރައީސް ޝަހީދު މުހައްމަދާއި މެމްބަރު ޒަކަރިއްޔާ ހުސައިން ވެސް ވަކިކުރަން މިއަދު މަޖިލީހުގެ ޖަލްސާއަށް އެޖެންޑާ ކުރިއެވެ.
ނަމަވެސް ވޯޓު ގަޑި ޖެހުމުގެ ކުރިން ޝަހީގު ފިޔަވާ ދެން ތިއްބެވި ހުރިހާ މެންބަރުންވެސް ވަނީ މަގާމުން އިސްތިއުފާ ދެއްވާފައެވެ.
މަޖިލީހުގެ މިނިވަން މުއައްސަސާތަކުގެ ކޮމެޓީން މިދިޔަ މަހުގެ ފަހުކޮޅު ވަނީ ޝަމީމް އާއި ޒަކަރިއްޔާއާއެކު އާއެކު ސީއެސްސީގެ އިތުރު ދެ މެމްބަރަކު މަގާމުން ވަކިކުރަން ފާސްކޮށްފައެވެ. އެގޮތުން މަގާމުން ވަކިކުރަން ކޮމެޓީން ދެން ފާސްކުރި ނަންތަކަކީ ކޮމިޝަންގެ ނައިބު ރައީސް ޝާހިދު މުހައްމަދާއި ކޮމިޝަންގެ މެމްބަރު އިބްރާހިން ޝަހީގެވެ.
ސީއެސްސީގެ އެ ހަތަރު މެމްބަރުން މަގާމުން ވަކިކުރަން ހުށަހެޅީ ގަމު ދާއިރާގެ މެމްބަރު މުހައްމަދު ވިސާމެވެ.