ރާއްޖޭގައި މަސައްކަތްކުރާ ބިދޭސީން ނުވަތަ ވޯކް ވިސާގައި ރާއްޖެ އެތެރެވާ މީހުން އިތުރު ހުއްދައެއް ނުނަގާ ރާއްޖެއަށް އާދެވޭނެ ކަމަށް އިކޮނޮމިކް މިނިސްޓްރީން ބުނެފިއެވެ.
މިދިޔަ މާޗު މަހުން ފެށިގެން ވޯކް ވިސާގައި ރާއްޖެއަށް އެތެރެވާ މީހުން އެތެރެވަމުން އަންނަނީ ހާއްސަ ހުއްދަ އަކާއި އެކުގައެވެ.
އިކޮނޮމިކް މިނިސްޓްރީން ބުނީ ކޮވިޑް19 ގެ ސަބަބުން ރާއްޖޭގެ ބޯޑަރު ބަންދު ކޮށްފައި އޮތް އޮތުމުން މިއަދު ނިމުމަކަށް ގެނައުމާއި އެކު ރާއްޖެއަށް ވޯކް ވިސާގައި އެތެރެވާ ބިދޭސީން ކުރިން ނަގަމުން އައި ހުއްދަ ނަގަން ނުޖެހޭ ގޮތަށް ނުވަތަ އެ ހުއްދަ ނަގަން ޖެހޭ ގޮތަށް އޮތް އުސޫލު އިމިގްރޭޝަނުން މިއަދު ބާތިލް ކޮށްފައިވާ ކަމަށެވެ.
މިދިޔަ މާޗު މަހުގެ 21 ވަނަ ދުވަހުން ފެށިގެން ޗުއްޓީއަށް ދިއުމަށްފަހު ރާއްޖެ އަންނަ ފަރާތްތަކާއި އެމްޕްލޯއިމެންޓް އެޕްރޫވަލް ލިބިގެން އަލަށް ރާއްޖެ އަންނަ ފަރާތްތައް ރާއްޖެ އެތެރެވުމަށް ވަކި ހުއްދައެއް ނަގަންޖެހެއެވެ.