ވިލިމާލޭ ކުޑަކުދީންގެ ހިޔާގައި ހުރި ކުއްޖަކު ކޮވިޑަށް ޕޮޒިޓިވް-19 އަށް ފައްސިވެއްޖެއެވެ.
އެކުއްޖާ އަކީ ކުޑަކުދިންގެ ހިޔާގައި އެކަހެރިކޮށްފައި ހުރި 12 އަހަރުގެ ފިރިހެން ކުއްޖެކެވެ. ޖެންޑާ އިން ބުނީ އެކުއްޖާ އަކީ ޖޫން 30ގައި އެނބުރި ރާއްޖެ އައި ކުޑަކުދިންގެ ހިޔާގެ ދެ ކުދިންގެ ތެރެއިން އެއް ކުއްޖަކު ކަމަށެވެ.
އެކުއްޖާ އަކީ އުފެދުމުގައި ވެސް ބަލި ކުއްޖެއްކަން ފާހަގަކޮށް ޖެންޑާ އިން ބުނީ އެކުއްޖާ އަކީ ވާއިދުން ރާއްޖޭން ބޭރުން ބޭސްފަރުވާ ކުރަން ޖެހޭ ކަމަށެވެ.
30 ޖޫން 2020ގައި އެނބުރި ރާއްޖެ އައި ކަމަށާއި އުމުރުން 12 އަހަރުގެ އެ ކުއްޖާ ރާއްޖެ އައުމަށްފަހު އޭނާ ވަނީ 16 ދުވަސް ވަންދެން ކުޑަކުދިންގެ ހިޔާގައި ކަރަންޓީނު ކޮށްފައެވެ. އަދި، ކޮވިޑް-19 އަށް ޓެސްޓު ކުރުމަށްފަހު، 16 ޖުލައި 2020ގައި ލިބުނު ޓެސްޓުގެ ނެގެޓިވް ކަމަށްވެސް މިނިސްޓްރީ އިން ބުންޏެވެ.
ކުއްޖާއަށް ޞިއްޙީ އިތުރު މައްސަލަތަކެއް ކުރިމަތިވެ، ޖުލައި 18 ވަނަ ދުވަހު އޭނާ ވިލިމާލެ ހޮސްޕިޓަލަށް ގެންގޮސް ޑޮކްޓަރަށް ދައްކާފައިވާ ކަަމަށާއި، އެ ހޮސްޕިޓަލުން އިރުޝާދުއެކު އިތުރު ފަރުވާ ކުރުމަށް އެ ކުއްޖާއަށް އައިޖީއެމްއެޗްއަށް ދެއްކުމަށް ގެންދިޔަ ކަމަށް ޖެންޑާ މިނިސްޓްރީން ބުންޏެވެ.
އައިޖީއެމްއެޗަށް ކުއްޖާ ބަދަލުކުރުމަށްފަހު، 19 ޖުލައިވަނަ ދުވަހުގެ ރޭ ހެދި ކޯވިޑް-19 ޓެސްޓުގެ ނަތީޖާ މިއަދު ހެނދުނު ލިބުނުއިރު އެކުއްޖާ ކޮވިޑަށް ޕޮޒިޓިވްވެފައިވާ ކަމަށް ޖެންޑާ މިނިސްޓްރީން ބުންޏެވެ.
މިކަމާއި ގުޅިގެން ޖެންޑާ މިނިސްޓްރީން މިހާރު، ކަމާގުޅޭ އިދާރާތަކާ ގުޅިގެން، ރައްކާތެރިކަމުގެ ފިޔަވަޅުތައް އަޅަމުން އަންނަނީ އަޅަމުންނެވެ.