ރާއްޖޭގެ ބޮޑު ބަޔަކަށް އުދަ އަރާފާނެ ކަމަށް ރާއްޖޭގެ މޫސުމާއި ބެހޭ ގައުމީ އިދާރާއިން ވައިޓް އެލާޓު ނެރެފިއެވެ.
އެގޮތުން ކ އަތޮޅުން ފެށިގެން އައްޑޫ ސިޓީއާ ދެމެދު ހިމެނޭ އަތޮޅުތަކުގެ ރަށްތަކަށް އުދަ އަރާފާނެ ކަމަށް ލަފާ ކުރެވޭ ކަމަށް މޫސުމާ ބެހޭ ގައުމީ އިދާރާއިން ވަނީ ބުނެފައެވެ. ވައިޓް އެލާޓު ނެރެފައި ވަނީ މިއަދު މެންދުރުފަހު 15:00 އިން އިރުއޮއްސި 19:00 އަށެވެ.
މީގެކުރިން މޫސުމާ ބެހޭ ގައުމީ އިދާރާއިން ބުނެފައި ވަނީ ދިޔަވަރު ބޮޑުވާ ގަޑިތަކުގައި ބައެއް ރަށްތަކަށް އުދައެރުން އެކަށީގެންވާ ކަމަށާއި ރާޅުގައި ތިން ފޫޓާއި ހަ ފޫޓުގެ އުސްމިނެއް ހުންނާނެ ކަމަށް ބެލެވޭ ކަމަށެވެ.
އަދި ހަމައެއާއިއެކު ރާއްޖޭގެ އެކިހިސާބަށް މިއަދުވެސް ވިއްސާރަކުރާނެ ކަމަށާއި އަދި ބައެއް ރަށްތަކަށް ގުގުރުމާއިއެކު ބޯކޮށް ވާރޭވެހޭނެ ކަމަށް ލަފާކުރެވޭ ކަމަށް އެ އިދާރާއިން ލަފާކުރެއެވެ.