ވެލާނާ އިންޓަނޭޝަނަލް އެއާޕޯޓު (ވީއައިއޭ) ހިންގާ މޯލްޑިވްސް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް)ގެ އެކްޓިން މެނޭޖިން ޑިރެކްޓަރު މޫސާ ސޯލިހު އެ ކުންފުނީގެ ވަޒީފާ އިން މިއަދު ރިޓަޔާ ކުރައްވައިފިއެވެ.
ރައީސް އިބްރާހީމް މުހައްމަދު ސޯލިހުގެ ބޮޑުބޭބެފުޅު މޫސާ ސޯލިހު މަގާމުން ރިޓަޔާ ކުރައްވާފައި މިވަނީ އެމްއޭސީއެލްގެ ހިދުމަތުގައި 39 އަހަރު ހޭދަ ކުރެއްވުމަށްފަހުއެވެ.
އެމްއޭސީއެލްގެ ޑެޕިއުޓީ ޗީފް އިންފޮމޭޝަން އޮފިސަރުގެ މަގާމުގައި މީގެކުރިން ހުންނެވި މޫސާ ސޯލިހު އެމްއޭސީއެލްގެ އެކްޓިން މެނޭޖިން ޑިރެކްޓަރަކަށް ހަމަޖެއްސެވީ ރައީސް ސޯލިހު ރައީސް ކަމަށް އިންތިހާބުވެވަޑައިގަތުމާއި އެކު ކުރިން މެނޭޖިން ޑިރެކްޓަރުގެ މަގާމުގައި ހުންނެވި އާދިލް މޫސާ މަގާމުން އިސްތިއުފާ ދެއްވުމުންނެވެ.
މަގާމުން ރިޓަޔާ ކުރެއްވިއިރު މޫސާ ސޯލިހުގެ އުމުރުފުޅަކީ 65 އަހަރެވެ. ދާދިފަހުން އެމްއޭސީއެލް އަށް ވަނީ އެ ކުންފުނީގެ ސީއީއޯ އަދި މެނޭޖިން ޑިރެކްޓަރަކަށް އިނގިރޭސިވިލާތުގެ ބޭފުޅެއް ވަނީ ހަމަޖައްސަވާފައެވެ.