ކަސްޓްމްސްގެ ޑިކްލަރޭޝަން ހުށަހެޅުމަށް ބޭނުންކުރާ އަސީކުޑާ ސިސްޓަމްގެ ހިދުމަތް ވަގުތީ ގޮތުން މެދުކަނޑާލަން ނިންމައިފިއެވެ.
ކަސްޓަމްސް އިން ކޮށްފައިވާ އިއުލާނެއްގައި ބުނީ އިމްޕޯޓު އެކްސްޕޯޓުގެ ގާނޫނަށް ގެނެސްފައިވާ އިސްލާހާއި އެއްގޮތަށް ކަސްޓްމްސްގެ ޑިކްލަރޭޝަން ހުށަހެޅުމަށް ބޭނުންކުރާ އަސީކުޑާ ސިސްޓަމް ކޮންފިގާ ކުރަމުން އަންނަ ކަމަށެވެ. އެހެންކަމުން މި މަހުގެ 31ވަނަ ދުވަހުގެ އިރުއޮއްސި 18:00ގައި އެ ސިސްޓަމުން ދޭ ހިދުމަތްތައް ވަގުތީ ގޮތުން މެދުކަނޑާލާނެ ކަމަށް ކަސްޓަމްސް އިން ބުނެއެވެ.
ކަސްޓަމްސް އިން ބުނީ އަލުން އެ ސިސްޓަމްގެ ހިދުމަތްތައް ފަށާނީ އަންނަ މަހުގެ އެއްވަނަ ދުވަހުގެ ރޭ 00:00ގައި ކަމަށެވެ.
ކަސްޓަމްސް އިން ބުނީ އިމްޕޯޓު އެކްސްޕޯޓަށް ގެނެސްފައިވާ އިސްލާހާއި ގުޅިގެން ރާއްޖެއަށް އެތެރެކުރެވޭ މުދަލަށް ޑިކްލަރޭޝަން ނިންމުމާއި ޑިއުޓީ އަންނަ މަހުގެ އެއްވަނަ ދުވަހުން ފެށިގެން ނަގަމުން ގެންދާނެ ކަމަށެވެ.
މި ތާރީހު ގެ ކުރިން ރާއްޖެއައިސް އިންވާޑް ކްލިއަރެންސް ނަގާފައިނުވާ އުޅަނދުތަކުން ގެނެސްފައިވާ މުދަލަށް އެވަގުތުގެ ކުރިން ޑިކްލަރޭޝަން ހުށަހަޅައިފައިވުމާއެކު، އެވަގުތުގެ ކުރިން ޑިކްލަރޭޝަން ނިންމައި ދީފައިވާނަމަ، ފަހުގެ އިސްލާހު އެއްގޮތަށް އެ ޑިކްލަރޭޝަން އިސްލާހުކުރުން.
އަންނަ މަހުގެ އެއްވަނަ ދުވަހުގެ 00:00 ގެ ކުރިން ރާއްޖެ އައިސް އިންވާޑް ކްލިއަރެންސް ނަގައިފައިވާ އުޅަނދުތަކުން ގެނެސްފައިވާ މުދަލަށް އެވަގުތުގެ ކުރިން ޑިކްލަރޭޝަން ހުށަހަޅައިފައިވާނަމަ އެޑިކްލަރޭޝަން ނިންމައި ދިނުމުގައި އެ އިސްލާހަށް ނުބަލާނެ ކަމަށެވެ.