ސިޔާސީ ޕާޓީތަކުގެ މަޝްވަރާ ބާއްވަންވީ ޖަލުގައިތޯ ވިދާޅުވެ ފޭދޫ ދާއިރާގެ ރައްޔިތުން މަޖިލީހުގެ މެންބަރު މުހައްމަދު ނިހާދު ސުވާލު ކުރައްވައިފިއެވެ.
ނިހާދު މިފަދައިން ސުވާލު ކުރައްވާފައި މިވަނީ ސިޔާސީ ލީޑަރުންގެ މަޝްވަރާއަށް ރައީސް އިބްރާހިމް މުހައްމަދު ސޯލިހް ގޮވާލެއްވި ގޮވާލުމާއި މެދު ސުވާލު އުފެދޭކަމަށް އިދިކޮޅު ޕީއެންސީގެ ނައިބު ރައީސް އިބްރާހިމް ޝުޖާއު ވިދާޅުމާ ގުޅިގެންނެވެ.
ޝުޖާއު އެފަދައިން ވިދާޅުވުމުން ނިހާދު ވަނީ މަޝްވަރާ ބާއްވަންވީ ޖަލުގައިތޯ ސުވާލު ކުރައްވާފައެވެ. އަދި ވިދާޅުވީ އެހެން އެކަން ކުރަން ބޭނުންވާ ނަމަ އަދި މަޑުކޮށްލުން ރަނގަޅު ކަމަށެވެ.
Mashvaraa baahvan jehenee jaluga baa? Ehen kamugai nama Enmen hama vandhen keih kohlun rangalhu vaanee! 🤭 https://t.co/y1F3rISgOr
— Feydhoo Meehaa (Mohamed Nihad) (@nihad_m) July 27, 2020
ރާއްޖޭގެ 55ވަނަ މިނިވަން ދުވަހުގެ މުނާސަބަތުގައި ގައުމާ މުހާތަބު ކުރައްވަމުން ރައީސް އިބްރާހީމް މުހައްމަދު ސޯލިހު ވިދާޅުވީ ގައުމު އާރާސްތު ކުރަމުންދާނީ ސިޔާސީ ވާދަވެރިންގެ އަޑު އަހައިގެން ކަމަށެވެ.
ރައީސް ސޯލިހު ވިދާޅުވީ މިނިވަން ދުވަހުގެ އުފާ ފާހަގަކުރާއިރު، ދިވެހިންނަށް މިނިވަންކަން ލިބުނު ގޮތާއި، މިނިވަންކަން ދެމެހެއްޓުމަށް ކުރަންވީ ކަންތައް ހަނދާނުން ފޮހެވިގެން ނުވާނެ ކަމަށާއި ދިވެހިންނަށް ސިޔާސީ މިނިވަންކަން ލިބުނީ، ޞުލްޙަވެރިކަމާއި ޙިކްމަތްތެރިކަމާއެކު ކުރި މަސައްކަތުން ކަމަށްވާއިރު ދިވެހިންގެ މިނިވަންކަން ދެމިއޮންނާނީވެސް ޞުލްޙައިގެ މަތީގައި ކަމަށެވެ.