ރާއްޖޭގައި ކޮވިޑް19 ގެ ހާލަތު އިތުރަށް ގޯސްވުމުގެ ފުރުސަތު ނުދެއްވުމަށް ނާއިބު ރައީސް ފައިސަލް ނަސީމް އިލްތިމާސް ކުރައްވައިފިއެވެ.
ނާއިބު ރައީސް ފައިސަލް ނަސީމް ކުރެއްވި ޓްވީޓެއްގައި މިރޭ ވިދާޅުވީ ޖަމާއަތުގައި ނަމާދު ނުކުރެވި ސްކޫލުތައް ބަންދުވެ ވިޔަފާރިތައް ހުއްޓި ވިޔަފާރިތައް ހުއްޓި، އެންމެން ގޭގައި ބަންދުވުމުގެ ގެއްލުން އެންމެންވެސް ތަހައްމަލު ކޮށްފައިވާ ކަމަށެވެ.
އެހެންކަމުން ކޮވިޑް19ގެ ހާލަތު އިތުރަށް ރާއްޖޭގައި ގޯސްވި ނުދެއްވުމަށް ނާއިބު ރައީސް ވަނީ އިލްތިމާސް ކުރައްވާފައެވެ. އަދި އެ ވަބާއިން ސަލާމަތްވުމަށް އެންމެން އެކުގައި މަސައްކަތް ކުރުމަށް އެމަނިކުފާނު ވަނީ އިލްތިމާސް ކުރައްވާފައެވެ.
Jamaa'athuga namaadhu nukurevi, school thah bandhuve, viyafaari thah hutti, emmen geyga bandhu vumuge gellun alhugandumen emmenah vanee thahammal kurevifai.
Haalath ithurah goas vumah furusathu nudhevva. #Covid19 ge vaba in salaamai vumah emmen ekee masakai kuramaa.
— Faisal Naseem (@FaisalNasym) July 29, 2020
މާލެ ސަރަހައްދުގައި އިއުލާންކުރި ލޮކްޑައުނަށް ބޮޑު ލުޔެއް ދިނުމާއެކު އަނެއްކާވެސް ބައްޔަށް ޕޮޒިޓިވްވާ މީހުންގެ އަދަދު ވަނީ އިތުރުވާން ފަށާފައެވެ. އެގޮތުން އިއްޔެ 137 މީހަކު ޕޮޒިޓިވް ވިއިރު އޭގެތެރެއިން 92 މީހުންނަކީ ދިވެހިންނެވެ. އިއްޔެ އަކީ ރާއްޖެއިން މިހާތަނަށް އެންމެ ގިނަ އަދަދަކަށް މީހުން ޕޮޒިޓިވްވި ދުވަހެވެ.
ކޮވިޑަށް ޕޮޒިޓިވްވާ މީހުންގެ އަދަދު އިތުރުވަމުންދާއިރު އެޗްޕީއޭ އިން ވަނީ 30 މީހުންނަށް ވުރެ ގިނައިން އެއްވެ އުޅޭ ހަރަކާތްތައް ބޭއްވުން މަނާކޮށްފަ އެވެ. އަދި ބޭރަށް ނިކުމެ އުޅޭއިރު މާސްކު އެޅުމަށާއި ގައިދުރު ކަމަށް ސަމާލުކަން ދިނުމަށް ތަކުރާރުކޮށް އެޗްޕީއޭ އިން އަންނަނީ އިލްތިމާސް ކުރަމުންނެވެ.