ޗެލްސީ އަށް ކުޅެމުން އަންނަ 34 އަހަރުގެ އިނގިރޭސި މިޑްފީލްޑާ ފްރޭންކް ލަމްޕާޑް މި ސީޒަން ނިމުމާއި އެކު އެހެން ކްލަބަކާއި ގުޅޭނެ ކަމަށް އޭނާގެ އޭޖެންޓް ބުނެފި އެވެ. މި އަހަރު ކޮންޓްރެކްޓް ހަމަވާ ލަމްޕާޑްގެ ކޮންޓްރެކްޓްގެ މުއްދަތު ޗެލްސީ އިން އިތުރު ކުރާނެ ކަމަކަށް ނުބެލެވެ އެވެ.
ރިޕޯޓު ތައް ބުނާ ގޮތުން އޭނާ ދިއުން އެންމެ ގާތީ އިޓަލީގެ ކްލަބަކަށެވެ. މި ކަމާއި ބެހޭ ގޮތުން އޭނާގެ އޭޖެންޓް ބުނެފައި ވަނީ މި ވަގުތު ލަމްޕާޑްގެ ވިސްނުން ހުރީ ޗެލްސީ އާއި އެކު ކަމަށެވެ. އަދި އޭނާ ސީޒަން ނިމުމާއި އެކު ޓީމް ބަދަލު ކުރާނެ ކަމަށާއި އޭނާ ކުޅެން ބޭނުން ވަނީ ބޮޑު ވާދަ ވެރި ކްލަބަކަށް ކަމަށެވެ.
ކޮންމެއަކަސް ލަމްޕާޑް ވެގެން ދާނީ ޗެލްސީ ފުޓްބޯޅަ ކްލަބުގެ ތާރީހުގައި ވެސް އެ ޓީމަށް ކުޅުނު އެންމެ މޮޅު އެއް ކުޅުންތެރިއަކަށެވެ. 2001 ގައި ޗެލްސީ އާއި ގުޅުނު ލަމްޕާޑް ވަނީ 570 މެޗް ކުޅެ 191 ގޯލު ޖަހާފަ އެވެ.