އަމިއްލަ ރާގުގެ ރީތި ލަވަތަކެއް އާއްމުންނާއި ހަމައަށް ގެނެސްދީފައިވާ މަޝްހޫރު ލަވަކިޔުންތެރިޔާ މޭނާ ހައްސާން ޑީއާރްޕީއަށް ސޮއިކޮށްފިއެވެ.
މޭނާ ހައްސާން ޑީއާރުޕީއަށް ސޮއިކުރުމުން ޑީއާރްޕީގެ ލީޑަރު އަދި ކާށިދޫ ދާއިރާގެ މެމްބަރު އަބްދުﷲ ޖާބިރު ކޮށްފައިވާ ޓްވީޓުގައި ވިދާޅުވީ މޭނާ ހައްސާން ސިޔާސީ މަސައްކަތަށް ނިކުތުމަކީ ލިބުނު ވަރަށް ބޮޑު ހިތްވަރެއް ކަމަށްވެސް ޖާބިރު ވިދާޅުވިއެވެ.
"މި ޕާޓީއަކީ އިނގޭތޯ، ދިވެހި ލޮބުވެތި ރައްޔިތުން އެންމެ ލޯބިވާ ޕާޓީއަށް ހެދުމުގެ ހެޔޮ ނިޔަތުގައި އަޅުގަނޑު ވެރިޔާއާއެކުގައި [ޖާބިރާއެކު] މިރޭ މި ބައްދާލީ،" ޖާބިރާ ބައްދާލެއްވުމަށްފަހު މޭނާ ހައްސާން ވިދާޅުވިއެވެ.
އަޅުގަނޑުގެ ބްރަދަރ މޭނާ ހައްސާން ސިޔާސީ މަސައްކަތަށް ނުކުތުމަކީ ލިބުނު ހިތްވަރެއް! އަޅުގަނޑަކީ ހައްސާންގެ އެންމެ ބޮޑު އެއް ސަޕޯޓަރ، ރާއްޖޭގެ ނަންބަރު 1 ލެޖެންޑް! ވަގުތު ނެތޭ ވަގުތު ނެތޭ! މަސައްކަތަށް އެންމެން ނުކުމޭ! ޑީއާރްޕީއަށް މަރުހަބާ! pic.twitter.com/luv9XDgsTi
— Abdulla jabir (@chairmanjabir) August 4, 2020
އެއަށްފަހު ދެބޭފުޅުން ފެއްޓެވީ ނައްޓަވާށެވެ. ނައްޓަވަމުން ގެންދެވީ މޭނާ ހައްސާންގެ އަޑުން ކިޔާފައިވާ ދިވެހިންގެ ބޮޑު މަގްބޫލުކަމެއް ހޯދާފައިވާ "ވަގުތު ނެތޭ ވަގުތު ނެތޭ" މި ލަވައަށެވެ.
ޑީއާރްޕީއަށް ސޮއިކުރުމުން މޭނާ ހައްސާނަށް ވަނީ އެޕާޓީގެ ސްޕޯކްސް ޕާސަން ކަމަށް ހަމަޖައްސާފައެވެ.