ރ. އުނގޫފާރު މޮނީޓަރިންގެ ހާލަތުން ނެގުމަށްފަހު އާއްމު ހާލަތަށް ގެނެސްފިއެވެ.
އެ ރަށް އާއްމު ހާލަތަށް ގެނެސްފައި މިވަނީ ކޮވިޑް19 އާއި ގުޅިގެން އެރަށުން ނަގަންޖެހޭ ސާމްޕަލްތައް ނެގުމަށްފަހު ނަތީޖާތައް ލިބުމުންނެވެ. އެގޮތުން އެރަށުން ނެގި ހުރިހާ ސާމްޕަލް އެއް ވަނީ ނެގެޓިވްވެފައެވެ.
އުނގޫފާރު މޮނީޓަރިންގެ ހާލަތަށް ގެނެސްފައި މިވަނީ އެ ރަށުގެ ރީޖަނަލް ހޮސްޕިޓަލުގައި ފަރުވާ ދިނުމަށް ފަހު އިތުރު ފަރުވާއަށް މާލެ ފޮނުވާލި ބަލި މީހަކު ކޮވިޑަށް ޕޮޒިޓިވްވުމާ ގުޅިގެންނެވެ.
ނަމަވެސް އެ ކޭސްއާ ގުޅިގެން ރަށުން ނަގަންޖެހޭ ސާމްޕަލް ނެގުމަށްފަހު މިހާރު ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ވަނީ އެރަށުން ނެގި ސާމްޕަލްތައް ނެގެޓިވްވެފައިވާ ކަމަށް އެރަށުގެ ކަމާބެހޭ ފަރާތްތަކަށް އަންގާފައެވެ.
ޓެސްޓް ކުރި މީހުންގެ ތެރޭގައި ހިމެނެނީ، ދެ ޑޮކްޓަރުންނާއި ނަރުހަކާއި ޕޮޒިޓިވްވި މީހާގެ ދަރިފުޅު އަދި، ހޮސްޕިޓަލުގައި އޮތް ބަލި މީހެކެވެ.