ރައްޔިތުން މަޖިލީހުގެ ކޮމެޓީތަކަށް ވަޑައިގަންނަވާ ހުރިހާ އެންމެން ސަރުކާރަށް ތާއީދުކޮށް ވާހަކަ ނުދައްކާނެ ކަމަށް ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ކުރެއްވި ޓްވީޓެއްގައި ވިދާޅުވީ މަޖިލީހުގެ ކޮމެޓީތަކަށް ވަޑައިގަންނަވާ ހުރިހާ ފަރާތްތަކަކީ އަބަދު ސަރުކާރަށް ތާއީދުކުރާ ފަރާތްތައް ނޫން ކަމަށެވެ. އެކި ހިޔާލުގެ އެކި ބާވަތުގެ ބޭފުޅުން މަޖިލީހަށް ވަޑައިގެން މަޝްވަރާ ދެއްވުމަކީ ސަރުކާރު ޖަވާބުދާރީ ކުރުވުމުގެ ނިޒާމު ކަމަށް ނަޝީދު ވިދާޅުވިއެވެ.
Majlis ge committee thakah vadaigannava huriha faraiythakakee abadhu sarukaarah thaaidhu kuravva beyfulhunneh noon. Eki khiyaalu ge eki baavathuge beyfulhun Majlis ah vadaingane mashvaraa dhevvumakee sarukaaru javaab dhaaree kurumuge nizam
— Mohamed Nasheed (@MohamedNasheed) August 9, 2020
ރައީސް ނަޝީދު މިފަދައިން ވިދާޅުވެފައިވާއިރު ނުފޫޒު ބޭނުންކޮށްގެން ހެލްތު މިނިސްޓަރު އަމީނު ސިއްހީ ވަސީލަތްތައް ހޯދާ ކަމުގެ ތުހުމަތު ލްތު މިނިސްޓްރީގައި މީގެ ކުރިން މަސައްކަތް ކުރެއްވި ޑޮކްޓަރުންތަކަކާއި ސިއްހީ ދާއިރާގެ ތަޖުރިބާކާރުންތަކެއް ދާދިފަހުން މަޖިލީހުގެ އިޖުތިމާއީ ކޮމެޓީގައި ވަނީ ކޮށްފައެވެ.
ރައްޔިތުން މަޖިލީހުގެ އިޖުތިމާއީ ކޮމެޓީގައި ވާހަކަދައްކަވަމުން ޑޮކްޓަރު ހަފީޒާ އަލީ ވިދާޅުވީ ޑިރެކްޓާ ޖެނެރަލް އޮފް ހެލްތު ސާވިސަސްގެ މަގާމާއި ޑިރެކްޓާ ޖެނެރަލް އޮފް ހެލްތު ސާވިސެސްގެ މަގާމާއި ފުޑް އެންޑް ޑްރަގް އޮތޯރިޓީގެ ޑިރެކްޓާ ޖެނެރަލްގެ މަގާމުގެ އިތުރުން ނޭޝަނަލް ބްލަޑް ސާވިސަސްގެ ޑިރެކްޓަރުގެ މަގާމަށް ބޭފުޅަކު ހަމަޖައްސާފައި ނުވާ ކަމަށެވެ. މި މަގާމުތަކަށް ބޭފުޅުން ހަމަނުޖައްސާ ސިއްހީ ދާއިރާ ރަނގަޅަށް ފަންކްޝަން ނުކުރާނެ ކަމަށް ހަފީޒާ ވިދާޅުވިއެވެ.
ހެލްތު މިނިސްޓަރު އަމީނަށް ތުހުމަތެއް ކުރައްވާ ހަފީޒާ ވިދާޅުވީ ސަރުކާރުގެ އެގްޒެކިއުޓިވް ބޭފުޅުންގެ ބައްދަލުވުންތައް މިނިސްޓަރު އަމީނު ނުބާއްވާ ކަމަށެވެ. ސިޔާސީ ބޭފުޅުންނާއި އެކުގައި އެއްވެސް ބައްދަލުވުމެއް ނުބާއްވާތާ ދެ މަހެއްހާ ދުވަސްވެފައިވާ ކަމަށް ވިދާޅުވެ ހަފީޒާ ވިދާޅުވީ މިނިސްޓަރު އަމީން ކަންކަން ނިންމަވަނީ މަޝްވަރާ ކުރުމެއް ނެތި ކަމަށެވެ. މީގެއިތުތުން ސިއްހީ ދާއިރާއަށް ބޭނުންވާ ވަސީލަތްތައް ހޯދުމަށް ނުފޫޒު ބޭނުންކުރާ ކަމަށްވެސް ހަފީޒާ ވިދާޅުވިއެވެ.
ޓެންޑާ ކުރުމެއް އިއުލާނު ކުރުމެއް މިކަހަލަ އެއްވެސް ކަމެއް އޮންނަ ތަނެއް ނުފެނޭ އަޅުގަނޑުމެންނަކަށް،" ހަފީޒާ ވިދާޅުވިއެވެ.
މި ބައްދަލުވުމުގައި ވާހަކަދައްކަވަމުން ޑޮކްޓަރު އިސްހާގު ޝަފީގު ވިދާޅުވީ އާ ސަރުކާރެއް އައުމާއި އެކު މައްސަލަތައް ހައްލުކުރަން މަސައްކަތް ކުރެވޭނެ ކަމަށް ވަރަށް ބޮޑަށް އުންމީދު ކުރެއްވި ކަމަށެވެ. ނަމަވެސް ފެންނަނީ އެއް ދުވަހުން އަނެއް ދުވަހަށް ފަހަތަށް ދާތަން ކަމަށް އޭނާ ވިދާޅުވިއެވެ.