ސ. ހިތަދޫން އަންަހެނަކު ކޮވިޑަށް ޕޮޒިޓިވްވެއްޖެ.
ހެލްތު ޕޮރޮޓެކްޝަން އެޖެންސީ (އެޗްޕީއޭ) އިން ބުނީ ހިތަދޫން ޕޮޒިޓިވްވެފައިވަނީ 58 އަހަރުގެ ދިވެހި އަންހެނެއް ކަމަށެވެ. އެމީހާއަކީ ހޯމް ކަރަންޓީނު ފުރިހަމަ ކުރުމަށްފަހު ޓެސްޓު ކުރި މީހެެއް ކަމަށް އެޗްޕީއޭއިން ބުނެއެވެ.
ހިތަދޫން އަންހެނަކު ޕޮޒިޓިވްވި އިރު މިއަދު ހެނދުނު ހޯމް ކަރަންޓީނުގައި ހުރި ބިދޭސީއަކުވެސް ވަނީ ޕޮޒިޓިވްވެފައެވެ. އަދި ރޭ ވަނީ ފޭދޫގައި ހޯމް ކަރަންޓީނުގައި ހުރި ފުލުހަކުވެސް ކޮވިޑު-19 އަށް ޕޮޒިޓިވްވެފައެވެ.
މިހާތަނަށް އައްޑޫން ޖުމްލަ 3 މީހަކު ކޮވިޑަށް ޕޮޒިޓިވްވެފައިވާ އިރު އެޗްޕީއޭއިން ވަނީ ހިތަދޫ ލޮކްޑައުންކޮށްފައެވެ.