އައްޑޫ ސިޓީ ހިތަދޫ އިން އިއްޔެ ކޮވިޑް19 އަށް ޕޮޒިޓިވްވި ބިދޭސީ މީހާ 24 މީހަކާއި ކޮންޓެކްޓުވެފައިވާ ކަމަށް ހެލްތު ޕްރޮޓެކްޝަން އެޖެންސީ އިން ބުނެފިއެވެ.
އެ އެޖެންސީގެ ޑެޕިއުޓީ ޑިރެކްޓަރު ޖެނެރަލް ތަސްލީމާ އުސްމާން ވިދާޅުވީ އައްޑޫ ސިޓީ ހިތަދޫ އިން ހޯމް ކަރަންޓީނުގައި ހުއްޓާ އިއްޔެ ޕޮޒިޓިވްވި ބިދޭސީ މީހާގެ ކޮންޓެކްޓް ޓްރޭސިން އިން 24 މީހަކު ފާހަގަކުރެވިފައިވާ ކަމަށެވެ.
މީގެއިތުރުން ރޭ ކޮވިޑަށް ޕޮޒިޓިވްވި 58 އަހަރުގެ އަންހެން މީހާގެ ކޮންޓެކްޓުންގެ ގޮތުގައި ދެ މީހަކު ފާހަގަކުރެވިފައިވާ ކަމަށް ތަސްލީމާ ވިދާޅުވިއެވެ. އޭނާ ވިދާޅުވީ މިހާތަނަށް ފާހަގަކުރެވުނު ހުރިހާ ކޮންޓެކްޓުންގެ ސާމްޕަލްތައް ނަގާފައިވާ ކަމަށެވެ.
އައްޑޫ އިކުއެޓޯރިއަލް ހޮސްޕިޓަލް (އޭއީއެޗް) އިން ބުނީ އައްޑޫ ސިޓީ އިން މި ބައްޔަށް ޕޮޒިޓިވްވި އެންމެން ގެ ހާލަތުވެސް ރަނގަޅު ކަމަށެވެ. ހިތަދޫ އިން ބިދޭސީ އަކު އިއްޔެ ކޮވިޑަށް ޕޮޒިޓިވްވުމާ ގުޅިގެން އެޗްޕީއޭ އިން ވަނީ ހިތަދޫ މޮނީޓަރިންގެ ހާލަތަށް ވެސް އެޗްޕީއޭ އިން މީގެކުރިން ގެނެއެވެ. ނަމަވެސް މިހާރު މޮނީޓަރިންގެ ހާލަތު ވަނީ އުވާލާފައެވެ.