ރާއްޖެއިން ކޮވިޑް19 އާއި ދެކޮޅަށް އަޅަމުން ގެންދާ ފިޔަވަޅުތަކުގެ މައުލޫމާތު ރައީސް އިބްރާހީމް މުހައްމަދު ސޯލިހު ޕާކިސްތާނުގެ ބޮޑުވަޒީރު އިމްރާން ހާންއާ ހިއްސާ ކުރައްވައިފިއެވެ.
ރައީސުލްޖުމްހޫރިއްޔާ ކުރެއްވި ޓުވީޓެއްގައި ވިދާޅުވީ، މިއަދު ހަވީރު ޕާކިސްތާނުގެ ބޮޑުވަޒީރާއިއެކު ފޯނުން ކުރެއްވި މަޝްވަރާގައި ދެގައުމުގައި ވެސް މި ބަލިމަޑުކަމާއި ގުޅޭތުން އަޅުމުންގެންދާ ފިޔަވަޅުތަކާއި ގުޅޭގޮތުން އެންމެ ފަހުގެ މައުލޫމާތު ހިއްސާކުރައްވާފައިވާ ކަމަށެވެ.
ރާއްޖެ އާއި ޕާކިސްތާނާއި ދެމެދު އޮތް ގުޅުން ކުރިއަށްއޮތް ތަނުގައިވެސް އިތުރަށް ވަރުގަދަކުރުމާއި ގުޅޭގޮތުން ވެސް މަޝްވަރާ ކުރައްވާފައިވާ ކަމަށް ވެސް ރައީސްގެ ޓްވީޓުގައި ވަނީ ވިދާޅުވެފައެވެ.
Had a very engaging phone conversation with Pakistan’s PM @ImranKhanPTI this afternoon in which we updated each other on COVID 19 measures in our respective countries and also, how we could further enhance the already warm and fraternal relations between Maldives and Pakistan. pic.twitter.com/XDt0ViAX70
— Ibrahim Mohamed Solih (@ibusolih) August 10, 2020
ކޮވިޑް19 އަށް ރާއްޖެއިން ޕޮޒިޓިވްވި މީހުންގެ އަދަދު ވަނީ 5،041 އަށް އަރާފައެވެ. މީގެތެރެއިން ފަރުވާ ދެމުން އަންނަނީ 2218 މީހުންނަށެވެ. އެގޮތުން 140 މީހަކަށް ފަރުވާ ދެމުން އަންނަނީ ހޮސްޕިޓަލުގައެވެ.
އަދި މި ބަލިން ރަނގަޅުވި މީހުންގެ ޖުމްލަ އަދަދު މިހާރު ވަނީ 2،804 އަށް އަރާފައެވެ. މި ބަލީގައި ރާއްޖެއިން ވަނީ 19 މީހަކު މިހާތަނަށް މަރުވެފައެވެ.