ކޮވިޑާއި ގުޅިގެން އެއް ބިލިއަން ހަރަދުކޮށްފި

ކޮވިޑް19 އަށް 1.1 ބިލިއަން ރުފިޔާ ސަރުކާރުން ހަރަދުކޮށްފިއެވެ.

މިކަން ހާމަކޮށްފައި ވަނީ ފިނޭންސް މިިނިސްޓްރީގެ "ވީކްލީ ކޮވިޑް19 ސްޕެންޑިން" ގެ ތަފާސް ހިސާބުތަކުންނެވެ. މި މަހުގެ 6ވަނަ ދުވަހުގެ ނިޔަލަށް
ސަރުކާރުން ނެޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ) މެދުވެރިކޮށް ކޮވިޑް19 އަށް 703 މިލިއަން ރުފިޔާ ވަނީ ހަރަދުކޮށްފައެވެ.

ހެލްތު މިނިސްޓްރީ މެދުވެރިކޮށް ކޮވިޑް19 އަށް މިހާތަނަށް 166.8 މިލިއަން ރުފިޔާ ހަރަދުކޮށްފައިވެއެވެ. މިނިސްޓްރީ އޮފް ނޭޝަނަލް ޕްލޭނިން، ހައުސިން އެންޑް އިންފްރާސްޓްރަކްޗާ އިން ހަރަދުކޮށްފައި ވަނީ 37.3 މިލިއަން ރުފިޔާއެވެ. މިނިސްޓްރީ އޮފް ފޮރިން އެފެއާސް އިން މިހާތަނަށް ހަރަދުކޮށްފައި ވަނީ 3.9 މިލިއަން ރުފިޔާއެވެ.

މިނިސްޓްރީ އޮފް ޖެންޑާ ފެމިލީ އެންޑް ސޯޝަލް ސާވިސަސް އިން ދެ މިލިއަން ހަރަދު ކޮށްފައިވާއިރު ހަޔާ އެޑިއުކޭޝަން މިނިސްޓްރީ އިން ކޮށްފައިވާ ވަނީ 2.7 މިލިއަން ރުފިޔާގެ ހަރަދެކެވެ.

މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން 13.1 މިލިއަން ރުފިޔާ ހަރަދުކޮށްފައިވާ ކަމަށް ތަފާސް ހިސާބުތަކުން ދައްކާއިރު މޯލްޑިވްސް ޕޮލިސް ސާވިސް އިން ދެ މިލިއަން ރުފިޔާ ހަރަދުކޮށްފައިވެއެވެ.

ޑިޒާސްޓާ މެނޭޖްމެންޓް ފަންޑުން 84.1 މިލިއަން ރުފިޔާ ހަރަދުކޮށްފަވާއިރު ޓޫރިޒަމް އެކްޓިވިޓީސް އިމްޕްލެމެންޓޭޝަން ފަންޑުން 27.7 މިލިއަން ރުފިޔާ ހަރަދުކޮށްފައިވެއެވެ. އަދި ޒަކާތު ފަންޑުން ހަރަދުކޮށްފައި ވަނީ ތިން މިލިއަން ރުފިޔާއެވެ.