ކޮވިޑް19 އާއި ގުޅިގެން ރާއްޖޭގެ ބޯޑަރު ބަންދުކޮށް އަލުން ބޯޑަރު ހުޅުވި ފަހުން މާފަރު އިންޓަނޭޝަނަލް އެއާޕޯޓުން މިހާތަނަށް 10 ޕްރައިވެޓު ޖެޓަކަށް ހިދުމަތް ދީފިއެވެ.
މާފަރު އެއާޕޯޓު ހިންގަމުން އަންނަ މޯލްޑިވިއަން އިން ބުނެފައި ވަނީ ނ.މާފަރު ބައިނަލްއަގުވާމީ އެއާޕޯޓުގައި ބޯޑަރު ހުޅުވިފަހުން މިއަދާ ހަމައަށް ޕްރައިވެޓް ދިހަ ޖެޓަކަށް ހިދުމަތް ދީފައިވާ ކަމަށެވެ.
ނ.މާފަރު ބައިނަލްއަޤްވާމީ އެއަރޕޯޓް. ބޯޑަރު ހުޅުވިފަހުން މިއަދާ ހަމައަށް ޕްރައިވެޓް ދިހަ ޖެޓަކަށް މާފަރު އެއަރޕޯޓުންވަނީ ޚިދުމަތްދީފައި. pic.twitter.com/J6gEMbrYSe
— Maldivian (@MaldivianAero) August 11, 2020
މާފަރު އިންޓަނޭޝަނަލް އެއާޕޯޓް ހުޅުވާފައި ވަނީ މިދިޔަ އަހަރުގެ ޑިސެމްބަރު މަހުގެ އެއްވަނަ ދުވަހުއެވެ. ސިންގަޕޫރުގެ ކުންފުންޏެއް ކަމަށްވާ "ޓަފް އޮފް ޝޯ" އާއި ހަވާލުކޮށްގެން އެކުވެރި އަރަބް އިއްތިހާދު (ޔޫއޭއީ)ގެ އެހީއާއެކު ތަރައްޤީކުރި މި އެއާޕޯޓަކީ އެއާބަސް އޭ320 އަދި ބޮއިންގް 737 މަރުކާގެ މަތިންދާބޯޓު ޖެއްސޭނެ 2.2 ކިލޯމީޓަރުގެ ރަންވޭ އަކާއެކު ތަރައްޤީކޮށްފައިވާ އެއާޕޯޓެކެވެ.
ކޮވިޑް19 ގެ ސަބަބުން ރާއްޖޭގެ ބޯޑަރު ބަންދުކޮށްފައި ބޭއްވުމަށްފަހު އަލުން ބޯޑަރު ހުޅުވާ ހިދުމަތްތައް ދޭން ފަށާފައިވަނީ މިދިޔަ މަހުގެ 15ވަނަ ދުވަހުއެވެ.