ޅ.ނައިފަރަށް އަރައި ފޭބުން މަނާ ކޮށްފައި އޮތުމަށްފަހު އެ އެންގުން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އުވާލައިފިއެވެ.
ނައިފަރު މޮނީޓަރިންގެ ހާލަތަށް ލާފައިވަނީ އިއްޔެއެވެ. އެޗްޕީއޭ އިން އިއްޔެ ނެރުނު އެންގުމެއްގައި ބުނީ ނައިފަރު މޮނީޓަރިންގެ ހާލަތަށް ގެނެސްފައިވަނީ ކޮވިޑް-19 އާ ގުޅިގެން ސިއްހީ ގޮތުން އިތުރަށް ބަލަންޖެހޭ ކަންކަން ބެލުމަށް ކަމަށެވެ.
މި ފިޔަވަޅު އަޅާފައިވާއިރު މާލެ ދަތުރުކުރާ ނައިފަރު ބޯޓެއްގެ ފަޅުވެރިޔަކު މިއަދު ވަނީ ކޮވިޑަށް ޕޮޒިޓިވް ވެފައެވެ. ނައިފަރުން މޮނީޓަރިންގ އުވާލީ މިއަދު 16:21 ގައެވެ.
ކޮވިޑަށް ޕޮޒިޓިވް ވެފައިވަނީ ނައިފަރު މެގަ އާރު ނަމަކަށް ކިޔާ ބޯޓެއްގައި މަސައްކަތް ކުރާ ބަންގްލަދޭޝް މީހެކެވެ. އޭނާ ޕޮޒިޓިވްވިކަން އެނގުނީ މީގެ ދެ ދުވަސް ކުރިން ހެދި ޓެސްޓުގެ ނަތީޖާ އިން ކަމަށް މައުލޫމާތު ލިބެއެވެ.