ބަންގްލަދޭޝްގެ ލޭބަރުން ރާއްޖެ އަށް ގެނައުން މަނާކޮށްފައި އޮތް މުއްދަތު އިކޮނޮމިކް މިނިސްޓްރީން އިތުރުކޮށްފިއެވެ.
ބަންގްލަދޭޝް ލޭބަރުން ގެނައުން މަނާކުރީ މިދިޔަ އަހަރުގެ ސެޕްޓެމްބަރު މަހުގެ ތެރޭގައެވެ. އެގޮތަށް ނިންމީ ކޮންމެ ގައުމަކަށް ވެސް ކޯޓާއެއް ކަނޑައަޅާފައި އޮތުމުން މިދިޔަ އަހަރު ބަންގްލަދޭޝް ލޭބަރުންނަށް ކަނޑައެޅި ކޯޓާ ހަމަވުމުންނެވެ. ކޮންމެ ގައުމަކަށް ވެސް ކަނޑައަޅާފައި ވަނީ 150،000 ކޯޓާއެވެ.
އަންނަ މަހުގެ 18ވަނަ ދުވަހަށް ކުރިން ދީފައިވާ މުއްދަތު ހަމަވާނެއެވެ. އެހެންކަމުން އިކޮނޮމިކް މިނިސްޓްރީން ވަނީ ކުރިއަށް އޮތް އަހަރު ތެރޭގައި މި މައްސަލަ އެއްކޮށް ހައްލު ނުވާ ނަމަ އިތުރު އެއް އަހަރަށް ބަންގްލަދޭޝްގެ ލޭބަރުން އެ ގައުމުން ގެނައުން އަނެއްކާވެސް މަނާކުރާނެ ކަމަށް ބުނެފައެވެ.
އެހެންނަމަވެސް އެގައުމުގެ ޑޮކްޓަރުންނާއި ނަރުހުންނާއި އަދި ޕްރޮފެޝަނަލް މަސައްކަތް ކުރާ މީހުން ރާއްޖެ ގެނެވޭނެއެވެ.
ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލު ކުރުމަށް ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން މިހާތަނަށް 5،000 އަށްވުރެ ގިނަ ބަންގްލަދޭޝް މީހުން ވަނީ އަނބުރާ އެމީހުންގެ ގައުމަށް ފޮނުވާލައިފައެވެ.