ރާއްޖޭގެ ބޮޑު ބަޔަކަށް މިއަދު އުދަ އަރާނެ ކަމަށް ލަފާ ކުރެވޭތީ މޫސުމާ ބެހޭ ގައުމީ އިދާރާއިން ވައިޓް އެލާޓު ނެރެފިއެވެ.
މޫސުމާ ބެހޭ ގައުމީ އިދާރާއިން ބުނީ ޅ. އަތޮޅުން އައްޑޫ ސިޓީއާ ދެމެދުގެ ރަށްތަކަށް މިއަދު މެނދުރު 12:30 އިން ހަވީރު 05:30 އަށް އުދަ އަރާނެ ކަމަށް ލަފާ ކުރެވޭ ކަމަށެވެ.
އުދަ އަރާނެ ކަމަށް ލަފާ ކުރެވުނު ނަމަވެސް ރާއްޖޭގެ އެކި ހިސާބުތަކަށް މޫސުން ރަނގަޅުވާނެ ކަމަށް މޫސުމާ ބެހޭ އިދާރާއިން ލަފާކުރެއެވެ.
މިދުވަސްވަރު ރާއްޖޭގެ އެކި ހިސާބުތަކަށް އުދައިގެ އަސަރު އަންނަނީ ކުރަމުންނެވެ. އެގޮތުން ދާދިފަހުން ވެސް މާލެ އަށް ވެސް ވަނީ ވަރަށް ބޮޑަށް އުދަ އަރާފައެވެ. އަދި އުތުރުގެ ބައެއް ރަށްތަކަށްވެސް އުދަ އަރާ އެކިވަރުގެ ގެއްލުންތައް ވަނީ ލިބިގެން ގޮސްފައެވެ.