ރާއްޖެއިން މިއަދު ކޮވިޑް19 އަށް 119 މީހަކު ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭ އިން ބުނީ މިއަދު ޕޮޒިޓިވްވި މީހުންގެ ތެރޭގައި ހިމެނެނީ 100 ދިވެހިންނާއި ބަންގްލަދޭޝް 11 މީހަކާއި އިންޑިއާ ތިން މީހަކާއި ފިލިޕީންސް ދެ މީހަކާއި މޮރީޝަސްގެ ދެ މީހަކާއި ލަންކާ ރައްޔިތެއް ކަމަށެވެ.
މިއަދު ޕޮޒިޓިވްވި މީހުންނާއި އެކު މި ބައްޔަށް ރާއްޖެއިން ޕޮޒިޓިވްވި މީހުންގެ ޖުމްލަ އަދަދު ވަނީ 6،779 އަށް އަރާފައެވެ. މި ބައްޔަށް މިހާތަނަށް 2،531 މީހަކަށް ފަރުވާ ދެމުން އަންނައިރު މިބަލީގައި މިހާތަނަށް 26 މީހަކު ވަނީ މަރުވެފައެވެ.
މީގެތެރެއިން މި ބަލި ޖެހުނު މީހުންގެ ތެރެއިން 4،222 މީހުން ވަނީ ބަލިން ރަނގަޅުވެފައެވެ.