މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ޑެޕިއުޓީ ގަވަރުނަރު ކަމުގެ މަގާމަށް އަހްމަދު އިމާދު އައްޔަނު ކުރެއްވުމަށް ރައްޔިތުން މަޖިލީހުގެ އިގްތިސޯދީ ކޮމެޓިން ރުހުން ދީފިއެވެ.
އިމާދަށް ރުހުން ދިނީ ކޮމެޓީގެ މެންބަރުންގެ އިއްތިފާގުންނެވެ.
އެމްއެމްއޭގެ ޑެޕިއުޓީ ގަވަރުނަރުކަމުގެ މަގާމު ހުސްވީ، ކުރިން އެ މަގާމުގައި ހުންނެވި އައިޝަތު ޒާހިރާ މަގާމުން ރިޓަޔާ ކުރެއްވުމާ ގުޅިގެންނެވެ.
އެ މަގާމަށް އިމާދު އައްޔަން ކުރަން މަޖިލީހަށް ފޮނުއްވާފައިވާއިރު، އޭނާ މިހާރު ހުންނެވީ އެމްއެމްއޭގެ މަނިޓަރީ ޕޮލިސީ ރިސާޗު އެންޑް ސްޓެޓިސްޓިކްސް ޑިވިޝަންގެ އެކްޒެކެޓިވް ޑިރެކްޓަރެއްގެ މަގާމުގަ އެވެ.
އެމްއެމްއޭ އަށް 20 އަހަރަށް ވުރެ ގިނަ ދުވަހު ހިދުމަތް ކުރައްވާފައިވާ އިމާދު ވަނީ އިނގިރޭސިވިލާތުން އިކޮނޮމިކްސް އަދި ފައިނޭންސްގެ ދާއިރާ އިން މާސްޓާސް ހާސިލް ކުރައްވާފައެވެ.