ގައުމީ އެއާލައިން މޯލްޑިވިއަން އިން އަނެއްކާވެސް މެލޭޝިއާ އަށް ހާއްސަ ފްލައިޓެއް ބޭއްވުމަށް ނިންމައިފިއެވެ.
މި ފްލައިޓު ބޭއްވުމަށް ނިންމާފައި ވަނީ އަންނަ މަހުގެ 10ވަނަ ދުވަހުއެވެ. އެއްކޮޅު ޓިކެޓު 385 ޑޮލަރަށް ލިބޭނެ ކަމަށާއި މިހާރުން ފެށިގެން ބުކިން ހެއްދޭނެ ކަމަށް މޯލްޑިވިއަނުން ވަނީ ބުނެފައެވެ.
މި ފްލައިޓް ބާއްވަން ނިންމީ މެލޭޝިއާގައި ކިޔަވާ ދިވެހި ދަރިވަރުންތަކެއް ކޮވިޑް-19 އަށް މެދުކަނޑާލާފައިވާ ކިޔެވުން އަލުން ފެށުމުން އަނބުރާ ދިޔުމަށް ޑިމާންޑްތަކެއް ކުރުމުންނެވެ.
މީގެކުރިންވެސް މެލޭޝިއާ އަށް މޯލްޑިވިއަން އިން ވަނީ ފްލައިޓުތަކެއް ބާއްވާފައެވެ. އެ ފްލައިޓުތައް ބާއްވާފައި ވަނީ މެލޭޝިއާގައި ތިބި ދިވެހިންގެ ތެރެއިން އެނބުރި ރާއްޖެ އައުމަށް ބޭނުންވާ ދިވެހިން ގެނައުމަށެވެ.