ޗެނަލް13 އިން ގެނެސްދިން ޕްރޮގްރާމެއްގައި ރައީސް އިބްރާހިމް މުހައްމަދު ސޯލިހުގެ ހަށިކޮޅުގައި ހުޅުޖެހުމަށް ގޮވާލި މައްސަލައާ ގުޅިގެން ހައްޔަރުކުރި މީހާގެ ބަންދުގެ މުއްދަތު އިތުރު ކޮށްފިއެވެ.
އެކަމާއި ގުޅިގެން ފުލުހުން މިއަދު ބުނީ ޓީވީ ޗެނެލް އަކުން ގެނެސްދިން ޕްރޮގްރާމެއްގައި ރައީސް އިބްރާހީމް މުހައްމަދު ސޯލިހުގެ ހަށިކޮޅުގައި ހުޅުޖެހުމަށް ގޮވާލާފައިވާ މައްސަލައާ ގުޅިގެން ކޯޓު އަމުރެއްގެ ދަށުން ހައްޔަރުކުރި 47 އަހަރުގެ މީހާގެ ބަންދުގެ މުއްދަތަށް 15 ދުވަސް ޖަހާފައިވާ ކަމަށެވެ.
ފުލުހުންގެ އިތުރުން މި މައްސަލަ މޯލްޑިވްސް ބްރޯޑްކާސްޓިން ކޮމިޝަނުން ވެސް އަންނަނީ ތަހުގީގު ކުރަމުންނެވެ.
މި މައްސަލައިގައި ޗެނަލް13 އިން ވަނީ އެމީހާ އެހެން ބުނާ އަޑު ބްރޯޑްކާސްޓް ކުރެވިފައިވާތީ އެކަމަކަށްޓަކައި ބެލުންތެރިންގެ ކިބައިން މައާފަށް އެދޭ ކަމަށް ބުނެފައެވެ. އަދި ރައީސް ސޯލިހާއި ގުޅޭގޮތުން އެމީހާ ވާހަކަ ދެއްކީ އަމިއްލަ ހައިސިއްޔަތުން ކަމަށްވެސް އެ ޗެނަލުން ބުނެފައިވެއެވެ.