ދިވެހި ރައްޔިތުންގެ ޕާޓީ (ޑީއާރުޕީ) އިން ސިޔާސީ ޕާޓީތަކުގެ ޤާނޫނާއި އެއްގޮތަށް ފުރިހަމަ ކުރަންޖެހޭ ކަންކަން ކުރުމުގައި ހުރި މައްސަލަތައް ދެނެގަތުމަށް އެޕާޓީގެ ލީޑާޝިޕާއި އިލެކްޝަން ކޮމިޝަނުން ބައްދަލުކޮށްފިއެވެ.
އިލެކްޝަންސް ކޮމިޝަނުން މިއަދު ކޮށްފައިވާ ޓްވީޓެއްގައި ބުނެފައި ވަނީ އެ ބައްދަލުވުމަކީ ސިޔާސީ ޕާޓީތަކުގެ ގާނޫނުގައި ބަޔާންކުރާ ކަންކަން ފުރިހަމަ ކުރުމުގައި ޑީއާރުޕީ އަށް ދިމާވެފައިވާ މައްސަލަތަކާއި ގުޅޭގޮތުން އިލެކްޝަންސް ކޮމިޝަނުން ޑީއާރުޕީގެ ލީޑާޝިޕްގައި ހިމެނޭ ބޭފުޅުންނާއެކު ބޭއްވި މަޝްވަރާ ބައްދަލުވުމެއް ކަމަށެވެ.
ޑީއާރްޕީއާއެކު އީސީން މަޝްވަރާ ކޮށްފައިވާއިރު ދާދިފަހުން ޑީއާރްޕީގެ މައްސަލައެއް އިލެކްޝަނުން ވަނީ ކޯޓަށް ހުށަހަޅާފައެވެ. އެއީ ގާނޫނުގައި ބުނެފައިވާ މުއްދަތަށް ޑީއާރްޕީ އިން އޮޑިޓް ރިޕޯޓު ނުފޮނުވާތީއެވެ.
މީގެއިތުރުން އެޕާޓީ މީގެކުރިން އިލެކްޝަނުން ވަނީ ޖޫރިމަނާ ވެސް ކޮށްފައެވެ. އަދި އެތައް ފަހަރަކު ނަސޭހަތްތެރިވެފައިވެއެވެ.