ޑިރެކްޓަރު ޖެނެރަލް އޮފް ޕަބްލިކް ހެލްތުގެ ޑިރެކްޓަރު ޖެނެރަލް މައިމޫނާ އަބޫބަކުރުގެ މަންމާފުޅު ނިޔާވި ކަމަށް ބުނެ ފަތުރަމުންދާ ހަބަރަކީ ދޮގު ހަބަރެއް ކަމަށް ހެލްތު މިނިސްޓްރީން ބުނެފިއެވެ.
ހެލްތު މިނިސްޓްރީން ވިދާޅުވީ މައިމޫނާގެ މަންމާފުޅު ނިޔާވި ކަމަށް ނަޝީދަށް ވިދާޅުވެވެވުނީ އޮޅަމަކުން ކަމަށެވެ.
މައުމޫނާގެ މަންމާފުޅު ނިޔާވި ކަމަށް ބުނެ ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު ވެސް ޓްވީޓު ކުރެއްވިއެވެ. ނަޝީދު ވަނީ މައުމޫނާގެ މަންމަ ނިޔާވި ހަބަރު އެހީ ފުން ހިތާމައާއެކު ކަމަށް ވިދާޅުވެ އާއިލާއަށް ތައުޒިޔާ ވިދާޅުވެފައެވެ.
"މިފަދަ ނާޒުކު ދަތި އުނދަގޫ ވަގުތެއްގައި މައިމޫނާ އަށާއި އާއިލާއަށް ލިބިވަޑައިގަތް ހިތާމައަށް އިހުލާސްތެރި ތައުޒިޔާ ދަންނަވާ މަރްހޫމާއަށް ސުވަރުގެ މިންވަރު ކުރައްވާށި" ނަޝީދުގެ ޓްވީޓުގައިވެ އެވެ.
ނަމަވެސް މިހާރު އެ ޓްވީޓު ނަޝީދު ވަނީ ޑިލީޓު ކުރައްވާފައެވެ.