އައްޑޫ ސިޓީ އިކުއިޓޯރިއަލް ހޮސްޕިޓަލަށް 15 ނަރުހުން ހޯދަން އިއުލާންކޮށްފިއެވެ.
ހެލްތު މިނިސްޓްރީން ހޯދަން އިއުލާންކޮށްފައިވަނީ ރެޖިސްޓަރޑް ނަރުހުންނާއި ސީނިއާ ރެޖިސްޓަރޑް ނަރުހުންނާއި ކްލިނިކަލް ނަރުހުންނެވެ.
މި ވަޒީފާތަކުގެ މުސާރައިގެ ގޮތުގައި 9060 އާއި 10940 ލިބޭނެ ކަމަށް ބުނެފައިވެއެވެ. އަދި ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާ އަދި ބަންދު ދުވަހުގެ ފައިސާ ލިބޭނެ ކަމަށްވެސް ބުނެފައިވެއެވެ.
މި ވަޒީފާ އަށް މީހުން ހޮވުމުގައި ބަލާނީ ހާސިލްކޮށްފައިވާ ތައުލީމާއި ތަމްރީނަށް ބަލައިގެން، މަސައްކަތުގެ ދާއިރާއިން ލިބިފައިވާ ތަޖުރިބާއަށް ބަލައިގެން އަދި ގާބިލްކަން ކަށަވަރުކުރުމަށް ކުރާ އިންޓަވިއުއަށް ކަމަށް އިއުލާނުގައި ބުނެފައިވެއެވެ.
އެ މަގާމުތަކަށް ޝައުގުވެރިވާ ފަރާތްތަކުން މަޤާމަށް އެދި ހުށަހަޅަންޖެހޭ ތަކެތި މި މަހުގެ 23ވަނަ ދުވަހުގެ 13:00 ގެ ކުރިން، އައްޑޫ އެކުއެޓޯރިއަލް ހޮސްޕިޓަލު އޮފީހަށް ހުށަހެޅުމަށް އިއުލާނުގައި ބުނެފައިވެއެވެ.
މި މަޤާމަށް މީހަކު ހޮވުމަށް ބޭއްވޭ އިންޓަވިއު އޮންނާނީ 24 ސެޕްޓެމްބަރާއި 15 އޮކްޓޫބަރާއި ދެމެދު ކަމަށްވެސް އިއުލާނުގައި ބުނެފައިވެއެވެ.