ހއ. އަތޮޅުގެ ރަށްތަކުން ފެށިގެން ޅ. އަތޮޅުގެ ރަށްތަކާއި ހަމަ އަށް މޫސުން ގޯސްވާނެ ކަމަށް ލަފާކޮށްފިއެވެ.
މޫސުމާ ބެހޭ ގައުމީ އިދާރާއިން ބުނީ މިއަދު ހަވީރު 17:10 އިން ފެށިގެން މިރޭ 20:00އަށް އެ ސަރަހައްދުގެ ރަށްތަކަށް މޫސުން ގޯސްވާނެ ކަަމަށް ލަފާ ކުރެވޭ ކަމަށެވެ.
އެހެންކަމުން އެ ސަރަހައްދަށް މޫސުމާ ބެހޭ ގައުމީ އިދާރާއިން ވަނީ ވައިޓް އެލާޓު ނެރެފައެވެ. އެ އިދާރާއިން ބުނީ އެ ވަގުތުތަކުގައި ބޯކޮށް ވާރޭ ވެހޭނެ ކަމަށް ލަފާ ކުރެވޭ ކަމަށާއި އަދި ގުގުރުންވެސް އެކަށީގެންވާ ކަމަށެވެ.
މީގެއިތުރުން ވިލާގަނޑުގައި ގަޑިއަކު 40 މޭލު ބާރު މިނުގައި ވައިގަދަވާނެ ކަމަށް ލަފާ ކުރެވޭ ކަމަށްވެސް މޫސުމާ ބެހޭ ގައުމީ އިދާރާއިން ވަނީ ލަފާކޮށްފައެވެ.