ކުޅުދުއްފުށިން އިތުރު މީހަކު ކޮވޮޑު-19 އަށް ޕޮޒިޓިވްވެ އެރަށުން މި ބައްޔަށް ޕޮޒިޓުވްވީ މީހުންގެ އަދަދު ފަހަކަށް އަރައިފިއެވެ.
އެނގިފައިވާ ގޮތުގައި މިރޭ ޕޮޒިޓިވްވި މީހާ އަކީ "ފާޅު ބޯޓުން" ޕޮޒިޓިވްވި ފަޅުވެރިއެއްގެ ޑައިރެކްޓު ކޮންޓެކެވެ.
ކުޅުދުއްފުށިން އެންމެ ފުރަތަމަ ކޮވިޑަށް ޕޮޒިޓިވްވީ "ފާޅު ބޯޓު"ގެ ކެޕްޓަންއެވެ. އޭގެ ފަހުން އެބޯޓުގެ އެހެން ފަޅުވެރިންތަކެއް ވަނީ ކޮވިޑަށް ޕޮޒިޓިވްވެފައެވެ. އަދި މިހާރު ދަނީ އެމީހުންގެ ކޮންޓެކްޓު ޓްރޭސިން ހަދަމުންނެވެ.
ކުޅުދުއްފުށިން ކޮވިޑު-19 ފެނުމާއި ގުޅިގެން އެރަށް ވަނީ މޮނިޓަރިންގެ ހާލަތަށް ގެނެސްފައެވެ. އަދި ފާޅު ބޯޓު ދަތުރު ކުރި ނޮޅިވަރަންވެސް ވަނީ މޮނިޓަރިންގެ ހާލަތަށް ގެނެސްފައެވެ.