ފަނަރަ މިނެޓުން ނަތީޖާ ލިބޭ ކޮވިޑް19 ޕޯޓަބަލް އެންޓިޖެން ޓެސްޓު ކިޓެއް މެޑްޓެކުން ރާއްޖެ އަށް ތައާރަފުކޮށްފިއެވެ.
މެޑެޓެކުން ބުނި ގޮތުގައި އެބޮޓް ލެބޯޓްރީގެ ޕޯޓަބަލް އެންޓިޖެން ޓެސްޓް، އާއްމު ސިއްހަތު ރައްކާތެރިކުރުމުގެ ސިޔާސަތުތައް ތަންފީޒުކުރުމަށް ވަރަށް ބޮޑު އެހީތެރިކަމެއް ދޭނެ ކަމަށެވެ.
މި ޓެސްޓުގެ ސެންސިޓިވިޓީއަކީ 97.1 ޕަސެންޓެވެ. އަދި ސްޕެސިފިސިޓީއަކީ 98.5 ޕަސެންޓު ކަމަށް އެކުންފުނިން ބުނެއެވެ. މީގެ ޓެސްޓް ކިޓް މިހާރު އަންނަނީ އެމެރިކާ އާއި ޔޫރަޕްގެ ގައުމުތަކުގައި ބޭނުންކުރަމުންނެވެ. ޓެސްޓަކީ ނޭސަލް ސްވަބް ބޭނުންކޮށްގެން ވީހާ ވެސް އަވަހަށް އަދި ހެޔޮ އަގެއްގައި ކޮވިޑަށް ގިނަ ބަޔަކު ޓެސްޓް ކުރެވޭނެ މަގު ފަހިކޮށްދިނުމަށް ތައާރަފްކުރި ޓެސްޓެ ކިޓެކެވެ.
މި ޓެސްޓު ކިޓުގެ ސަބަބުން ކޮންޓެކްޓް ޓްރޭސިންގައި އެކްޓިވް އިންފެކްޝަން ހުރި މީހުން ދެނެގަތުމަށް ޓެސްޓުކުރުމާއި އާބާދީގެ ބޮޑުބައެއް ޓެސްޓު ކުރުން އަދި ކޮވިޑަށް ޝައްކު ކުރެވޭ މީހުން އަވަހަށް ޓެސްޓު ކުރުމަށް މަގުފަހިވެގެންދާނެއެވެ.