ސަރުކާރުގެ ހަރަދުތައް ހަމަޖެއްސުމަށް އިތުރު 15 ބިލިއަން ރުފިޔާ ބޭނުންވާ ކަމަށް ފިނޭންސް މިނިސްޓަރު އިބްރާހީމް އަމީރު ވިދާޅުވެއްޖެއެވެ.
ރައްޔިތުންގެ މަޖިލީހުގައި މެމްބަރުންގެ ސުވާލުތަކަށް ޖަވާބުދެއްވަމުން އިއްޔެ މިނިސްޓަރު އަމީރު ވިދާޅުވީ މިނިސްޓަރު އަމީރު ވިދާޅުވީ ހިލޭ އެހީއާއި އާމްދަނީގެ ގޮތުގައި ގާތްގަނޑަކަށް 30 ބިލިއަން ލިބޭނެކަމަށް އަންދާޒާކުރިނަމަވެސް، މިހާރު ލިބޭނެ ކަމަށް ލަފާކުރެވެނީ ގާތްގަނޑަކަށް 14 ބިލިއަން ރުފިޔާ ކަމަށެވެ.
ކޮވިޑް19 ގެ މިހާލަތުގައިވެސް ސަރުކާރެއްގެ ގޮތުގައި ރައްޔިތުންނަށް ދޭންޖެހޭ ހިދުމަތްތައް ހުއްޓުމަކަށް ނުގެނެސް ކުރިޔަށް ގެންދާ ކަމަށް މިނިސްޓަރު އަމީރު ވިދާޅުވިއެވެ.
މިއަދު ރާއްޖެއިން ކޮވިޑަށް ޕޮޒިޓިވްވާ މީހުންގެ އަދަދު މަދުވެގެން ދަނީ ހެލްތު ކެއާ ކެޕޭސިޓީ އަށް ކުރާ އިންވެސްޓުމަންޓުތައް އިތުރުވެގެން ދިއުމުން ކަމަށް ފާހަގަކޮށްލެވޭ ކަމަށް މިނިސްޓަރު ވިދާޅުވިއެވެ.
މިނިސްޓަރ ވިދާޅުވީ ފަތުރުވެރިކަމުގެ ސިނާއަތަށް ރާއްޖޭގެ އިޤްތިސާދު ފަތުރުވެރިކަމަށް ބަރޯސާވެފައި އޮންނަ އޮތުން ބަދަލުކޮށް، އެހެން ސިނާއަތްތައްވެސް ރާއްޖޭގައި ކުރިއެރުވުމަށް މަސައްކަތްތަކެއް ކުރުމަށް ރާވާފައިވާ ކަމަށެވެ.