ކުރީގެ ރައީސް އަބްދުﷲ ޔާމީންގެ ސަރުކާރުން 480 މިލިއަނަށްވުރެ ގިނަ ޑޮލަރުގެ ގެރެންޓީ ދީފައި ވަނީ ގާނޫނާއި ހިލާފަށް ކަމަށް އޮޑިޓާ ޖެނެރަލް އޮފީހުން ބުނެފިއެވެ.
ދައުލަތުން ދޫކޮށްފައިވާ ގެރެންޓީތަކުގެ 2018 ވަނަ އަހަރުގެ އޮޑިޓު ރިޕޯޓުގައި ބުނެފައި ވަނީ، ކުރީގެ ސަރުކާރުން އެ ގެރެންޓީތައް ދީފައި ވަނީ ދައުލަތުން ގެރެންޓީ ދިނުމުގައި ކަނޑައަޅާފައިވާ އުސޫލާ ހިލާފަށް ކަމަށެވެ.
ކުރީގެ ސަރުކާރުން 480 މިލިއަނަށް ވުރެ ގިނަ ޑޮލަރުގެ ގެރެންޓީ ދީފައި ވަނީ، ދައުލަތުން ގެރެންޓީ ދިނުމުގައި ކަނޑައަޅާފައިވާ އުސޫލާ ހިލާފަށް ކަމަށް އޮޑިޓާ ޖެނެރަލްގެ އޮފީހުން ބުނެފި އެވެ.
އޮޑިޓު ރިޕޯޓުގައި ބުނެފައި ވަނީ ދައުލަތުން ގެރެންޓީ ދިނުމުގައި އެކަމަށް އެދި ހުށަހަޅާ ފަރާތްތަކުގެ ހުށަހެޅުންތައް ފިނޭންސް މިނިސްޓްރީ އިން އައްޔަން ކުރާ ފަރާތެއް ނުވަތަ މިނިވަން އޮޑިޓަރެއް ދިރާސާ ކުރަން ޖެހޭނެ ކަމަށް ދައުލަތުން ގެރެންޓީ ދިނުމުގެ އުސޫލުގައި ބަޔާން ކޮށްފައިވާ ކަމަށެވެ.
ނަމަވެސް ކުރީގެ ސަރުކާރުން 484,399,832 މިލިއަން އެމެރިކާ ޑޮލަރުގެ ގެރެންޓީ ދީފައި ވަނީ ދައުލަތުން ގެރެންޓީ ދިނުމުގެ އުސޫލުގައި ބަޔާން ކޮށްފައިވާ ގޮތާއި ހިލާފަށް ކަމަށް އޮޑިޓު ރިޕޯޓުގައި ބުނެފައިވެއެވެ.
އެފަދައިން ކަން ކޮށްފައި އޮތުމުން ދައުލަތަށް އޮންނަ ކްރެޑިޓު ރިސްކު ބޮޑުވެގެންދާ ކަމަށް އޮޑިޓު ރިޕޯޓުގައި ބުނެފައިވެއެވެ. އެކަމުގެ ސަބަބުން، ދަރަނި ނަގާ ފަރާތުން ދަރަނި ނުދެއްކޭ ހާލަތެއް މެދުވެރިވެއްޖެނަމަ އެ ދަރަންޏެއް އަނބުރާ ދެއްކުމުގެ ޒިންމާ ނަގަންޖެހޭނީ ގެރެންޓީ ދިން ފަރާތުން ހައިސިއްޔަތުން ސަރުކާރުން ކަމަށް އޮޑިޓު ރިޕޯޓުގައި ބުންޏެވެ.