ކޮވިޑް-19 ގެ ސާމްޕަލް ނެގުމުގައި ހަރަކާތްތެރިވި ފަރާތަކަށް ދިއްގަރު ދާއިރާގެ އެމްޑީޕީގެ މެމްބަރު އިކްރާމް ހަސަން ހަމަލާދިން ކުއްޖާ ކައިރިއަށް ދިއުމަށްފަހު އެ ކުއްޖާގެ ކިބައިން މައާފަށް އެދިއްޖެއެވެ.
އިކްރާމް މިއަދު ކުރެއްވި ޓްވީޓެއްގައި ވިދާޅުވީ އޭނާގެ ސާމްޕަލް ނެގުމުގައި ހަރަކާތްތެރިވި މުވައްޒަފާއި އޭނާގެ މަންމަ އާއި ބައްދަލުކޮށްފައިވާ ކަމަށެވެ. އަދި އޭނާ އަށް ކުރެވުނު ނުވަތަ ބުނެވުނު އެއްޗަކަށް މައާފަށް އެދިފައިވާނެ ކަމަށް އިކްރާމް ވިދާޅުވިއެވެ. އަދި އެކަމާއި ގުޅިގެން ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ)ގެ ރެޕިޑް ރެސްޕޮންސް ޓީމާއި ހުރިހާ މުވައްޒަފުންގެ އަރިހުންވެސް މައާފަށް އެދޭ ކަމަށްވެސް އޭނާ ވިދާޅުވިއެވެ.
Alhugandu miadhu Shifana aa Shifana mamma aa bahdhal kurin adhi alhugandah bunevunu/kurevunu kamakah maafah edhunin. Mi higaa dhiya kanthahthakaa gulhigen HEOC RRT teamge hurihaa muazzafun kibainves maafah edhen pic.twitter.com/V1aNTp1qhL
— Ikram Hassan MP (@ikramhassan) October 12, 2020
އިކްރާމް އެ ކުއްޖާގެ ކައިރިއަށް ގޮސް މައާފަށް އެދުނުއިރު އެކަމާއި ގުޅިގެން އެންމެ ފުރަތަމަ އިކްރާމް ވަނީ އެކުއްޖާ އަށް ހަމަލާދިން ކަމަށްބުނެ ދެކެވޭ ވާހަކަތައް ދޮގުކޮށްފައެވެ.
އިކްރާމް ވިދާޅުވީ މާފަންނު މަދަރުސާގައި ސާމްޕަލް ނަގަން ހުރި ކުއްޖާ، އޭނާގެ ނޭފަތް ތެރެއަށް ކަފަބުރު ކޮއްޕި ގަޑީގައި ތަދުވެގެން، އެކަފަބުރު ނެރުމަށް އެ ކުއްޖާގެ އަތް ދުރަށްލި ކަމަށެވެ. އަދި އެތާ ކެމެރާ ހުރިނަމަ ކަންހިނގައި ދިޔަގޮތް ސާފުވާނެ ކަމަށް އޭނާ ވިދާޅުވި އެވެ.
އެ މައްސަލަ މޯލްޑިވްސް ހެލްތް ޕްރޮފެޝަނަލްސް ޔޫނިއަން އިން ވަނީ ރައްޔިތުން މަޖިލީހުގެ އިމްތިޔާޒު ކޮމެޓީ އަށް ވެސް ހުށަހަޅާފައެވެ.