ބްރޯޑްކާސްޓިން ކޮމިޝަންގެ މެންބަރުކަމުން ޒީނާ ޒާހިރު ވަކި ކުރުމަށް ރައްޔިތުންގެ މަޖިލީހުގެ މިނިވަން މުއައްސަސާތަކާއި ބެހޭ ކޮމެޓީ އިން ނިންމައިފިއެވެ.
އެ މަގާމުން ޒީނާ ވަކިކުރަން ފާސްކުރީ ކޮމިޓީއަށް ހާޒިރުވި ނުވަ މެމްބަރުންގެ ތެރެއިން ފަސް މެމްބަރުންގެ ވޯޓާއެކުގައެވެ. މިއަދު ބޭއްވި ކޮމެޓީ ބައްދަލުވުމުގައި ޒީނާވެސް ވަނީ ހާޒިރުކޮށްފައެވެ.
ކޮމެޓީ އިން މިއަދު ޒީނާ ވަކިކުރަން ނިންމިއިރު އޭނާގެ މަގާމުގެ މުއްދަތު ހަމަވާން ބާކީ އޮތީ ހަމަސް ދުވަހެވެ. ޒީނާ އަކީ ކުރީގެ ރައީސް އަބްދުﷲ ޔާމީންގެ ވެރިކަމުގައި ބްރޯޑްކޮމްގައި އައްޔަނުކުރެއްވި ފަރާތެކެވެ.
ޒީނާގެ އިތުރުން ކުރީގެ ރައީސް އަބްދުﷲ ޔާމީންގެ ވެރިކަމުގައި ބްރޯޑްކޮމް އަށް އައްޔަންކުރި ހުރިހާ މެންބަރުންވެސް ވަނީ މަގާމުން ވަކިކޮށްފައެވެ. އަދި މިހާރު އެ ކޮމިޝަނުގައި ތިއްބެވީ ރައީސް އިބްރާހީމް މުހައްމަދު ސޯލިހު އައްޔަން ކުރެއްވި ބޭފުޅުންނެވެ.