މަޝްހޫރު ނޫސްވެރިޔާ އަދި ލިޔުންތެރިޔާ އިމާދު ލަތީފު ހޮސްޕިޓަލްގައި އެޑްމިޓްކޮށް ފަރުވާ ދޭން ފަށައިފިއެވެ.
އިމާދު އެޑްމިޓުކޮށް ފަރުވާ ދެމުން ދަނީ ހިތުގެ އާލާސްކަންފުޅެއްގައެވެ. އިމާދު އެޑްމިޓު ކޮށްފައި ވަނީ ރޭގެ ވަގުތެއްގައެވެ. އިމާދުގެ އާއިލާ މީހުންނާއި ހަވާލާދީ ބައެއް ނޫސްތަކުގައި ބުނެފައި ވަނީ އިންޖިއޯޕްލާސްޓީ ހެދުމަށް ފަހު އިމާދު ބާއްވާފައި ވަނީ އައިސީޔޫގައި ކަމަށެވެ.
އަދި މިހާރު އިމާދުގެ ހާލަތު ރަނގަޅުވަމުން އަންނަ ކަމަށާއި މިރޭ ނޫނީ މާދަމާ އައިސީޔޫ އިން ނެރޭނެ ކަމަށް އާއިލާ މީހުންނާއި ހަވާލާދީ ބައެއް ނޫސްތަކުގައި ރިޕޯޓު ކޮށްފައިވެއެވެ.
އިމާދުގެ ނޫސްވެރިކަން ފެއްޓެވީ 1992 ވަނަ އަހަރުއެވެ. އިމާދު މަޝްހޫރު ވެފައި ވަނީ ދުނިޔޭގެ ނުވަތަ ބައިނަލްއަގުވާމީ މަޝްރަހު ދިރާސާ ކުރައްވާ ނޫސްވެރިއެއްގެ ގޮތުގައެވެ. 17 އަހަރެއްހާ ދުވަހު ނޫސްވެރިކަމުގައި އުޅުމަށްފަހު ވީމީޑިއާ އުފެދުމުން އެ މީޑިއާގެ ނިއުސްރޫމުގެ އެންމެ އިސް މަގާމު ވެސް އިމާދު ވަނީ ފުރުއްވާފައެވެ.
އިމާދު މިހާރު މަސައްކަތް ކުރައްވަމުން ގެންދަވަނީ ސިޔާސީ މައިދާނުގައެވެ.