ބޭރަށް ހިންގުން ޖެހިގެން ރިޕޯޓް ކޮށްފައިވާ އަދަދު އެހެން އަހަރުތަކާއި އަޅާ ބަލާއިރު ދަށަށް ހިނގައްޖެއެވެ.
"ރޯގާގެ ގޮތުގައި ފެތުރެމުންދާ ބަލިތަކުގެ ހާލަތު 2020"ން ދައްކާ ގޮތުގައި މިއަހަރު އެންމެ ގިނައިން ބޭރަށް ހިންގުން ޖެހިގެން ރިޕޯޓު ކޮށްފައި ވަނީ މެއި މަހުއެވެ. ނަމަވެސް ޖޫން މަހުން ފެށިގެން ރިޕޯރޓް ކުރެވުނު އަދަދު ދަށަށް ގޮސްފައިވާ ކަމަށް ތަފާސް ހިސާބުން ދައްކައެވެ.
ތަފާސް ހިސާބުތައް ދައްކާ ގޮތުގައި ބޭރަށް ހިންގުމާއި ހޮޑުލުން މިދިޔަ އޮގަސްޓު މަހުގެ ތެރޭގައި ރިޕޯޓު ކޮށްފައި ވަނީ 919އެވެ. ސެޕްޓެމްބަރު މަހު 716 މީހަކު ބޭރަށް ހިންގައިގެންނާއި ހޮޑުލައިގެން ރިޕޯޓު ކޮށްފައިވެއެވެ.
ބޭރަށް ހިންގުމާއި ހޮޑުލުމުން ރައްކާތެރިވުމަށް އެޅުން މުހިންމު ފިޔަވަޅުތަކުގެ ތެރޭގައި ގޭގައި ކާބޯތަކެތި ރައްކާ ކުރާއިރު ރައްކާ ކުރާ ތަނަކީ ސާފު ތާހިރު ތަނެއްތޯ ބެލުމާއި ކާބޯތަކެތި ތައްޔާރު ކުރާ ތަންތަނާއި ތަކެތި ރަނގަޅަށް ދޮވެ ސާފު ކުރުމާއި، ކާބޯތަކެއްޗަށް ދިރޭ ސޫފާސޫތްޕަށް ނޭރެވޭނެހެން މަތި ޖަހާފައި ބެހެއްޓުމާއި، ކެއުމުގައި ވީހާ ވެސް ތާޒާ ކާނާ ބޭނުން ކުރުމާއި ކާބޯތަކެތި ހަލާކުނުވާނޭހެން ރައްކާ ކުރުމުގެ އިތުރުން ކެއްކުމަށާއި ފެން ބުއިމަށް ފުޅީގައި ބަންދު ކޮށްފައިވާ ފެން ނުވަތަ ކޮލޮރިނޭޓް ކޮށްފައިވާ ފެން ނުވަތަ ވޯޓާރ ސަޕްލައި ފެން ނުވަތަ ފެން ކައްކައިގެން ބޭނުން ކުރުން ހިމެނެއެވެ.
އަދި ކެއުމުގެ ކުރިން އަދި ކާބޯތަކެތި ތައްޔާރުކުރުމުގެ ކުރިން ސައިބޯނި ލައިގެން ރަނގަޅަށް އަތް ދޮވުމާއި، ފާޚާނާ ކުރުމަށްފަހު އަދި ނެޕީ ބަދަލު ކުރުމަށްފަހު ސައިބޯނި ލައިގެން ރަނގަޅަށް އަތް ދޮވުމާއި، ކާބޯތަކެތި ރަނގަޅަށް ކައްކައިގެން ބޭނުން ކުރުމާއި ރޯ ތަރުކާރީ އާއި މޭވާ ރަނގަޅަށް ދޮވެގެން ބޭނުން ކުރުން ހިމެނެއެވެ.