ހުޅުމާލޭގައި 15 އަހަރުގެ ފިރިހެން ކުއްޖަކާ ގަދަކަމުން ބަދުއަހުލާގީ އަމަލު ހިންގި މައްސަލައިގެ ތުހުމަތަށް ހައްޔަރުކުރި ފިލްމީ ތަރި މުހައްމަދު ޔުނާން އާއި އޭނާގެ އަންހެނުން ފާތިމަތު ރިހުލާ ޝަރީއަތް ނިމެންދެން ބަންދު ކުރުމަށް އަމުރުކޮށްފިއެވެ.
ފުލުހުން ބުނީ 15 އަހަރުގެ ފިރިހެން ކުއްޖަކާ ގަދަކަމުން ބަދުއަހުލާީ އަމަލު ހިންގި މައްސަލައިގެ ތުހުމަތުގައި ކޯޓު އަމުރެއްގެ ދަށުން ހައްޔަރުކޮށްފައިވަނީ އުމުރުން 29 އަހަރުގެ ފިރިހެނަކާއި 30 އަހަރުގެ އަންހެނަކު ހައްޔަރުކޮށްފައިވާ ކަމަށެވެ. އެ ދެ މީހުން ހައްޔަރުކުރީ މި މަހުގެ ހަތަރުވަނަ ދުވަހުގެ ރޭގެ ވަގުތެއްގައެވެ.
މި ދެ މީހުންނާއި ގުޅޭ ގޮތުން ސޯޝަލް މީޑިއާގައި ތަފާތު އެކި ވާހަކަތައް އަންނަނީ ދެކެވެމުންނެވެ. އެގޮތުން ދާދިފަހުން މި ދެމަފިރިންގެ ދަރިފުޅުގެ ބައްޔަށް ބޭސްފަރުވާ ކުރުމަށް ހެޔޮ އެދޭ ފަރާތްތަކުން ދިން ފައިސާ، ވެސް އެކި ގޮތް ގޮތަށް ހަރަދުކޮށްފައިވާ ކަމަށާއި ދަރިފުޅަށް އެކަށީގެންވާ ގޮތެއްގައި ފަރުވާ ދީފައި ނުވާ ކަމަށްވެސް ބުނެފައިވެއެވެ.
މި ދެމަފިރިން ހައްޔަރުކުރިއިރު މި ދެމަފިރިން ދިރިއުޅުނު އެޕާޓުމަންޓު ކައިރިއަށް ބަޔަކު އެއްވެސް ދެމަފިރިން ހައްޔަރު ކުރުމަށް ވެސް ބަޔަކު ވަނީ ގޮވާލާފައެވެ.