މާލޭގައި އުޅޭ ފަރާތްތަކަށް ގެސްޓުހައުސްތަކަށް ދެވޭނެ ގޮތް ހަދައި ދިނުމަށް ޓޫރިޒަމް މިނިސްޓަރުގެ އަރިހުން ކާށިދޫ ދާއިރާގެ މެންބަރު އަދި ޑީއާރްޕީގެ ލީޑަރު އަބްދުﷲ ޖާބިރު އެދިވަޑައިގެންފިއެވެ.
ޑީއާރްޕީ އިން މިއަދު ކޮށްފައިވާ ޓްވީޓެއްގައި ބުނީ ގެސްޓުހައުސްތައް ހުޅުވިގެން ދިޔައިރު ރާއްޖެއިން ބޭރުގެ ޓޫރިސްޓުންނާއި އެއް ހަމައެއްގައި، މާލޭގައި ދިރިއުޅޭ ރައްޔިތުންނަށްވެސް ގެސްޓުހައުސްތަކަށް ގޮސް ޗުއްޓީ ހޭދަ ކުރެވޭނެ ދޮރު ހުޅުވައި ދިނުމަށް އެދި އެޕާޓީގެ ލީޑަރު އަބްދުﷲ ޖާބިރު ޓޫރިޒަމް މިނިސްޓަރުގެ އަރިހުން އެދިވަޑައިގެންފައިވާ ކަމަށެވެ.
ކޮވިޑް-19 އާއި ގުޅިގެން މީހުން ދިރިއުޅޭ ރަށްރަށުގައި ހިންގާ ގެސްޓް ހައުސްތައް ބަންދުކޮށްފައިވަނީ މިދިޔަ މާރޗުމަހުގެ 17 ވަނަ ދުވަހުއެވެ. އަދި އަލުން ގެސްޓްހައުސްތައް ހުޅުވާފައިވަނީ މި މަހުގެ 15 ވަނަ ދުވަހު އެވެ.
Guest House thah hulhuvigen dhiyairu Raajjeyn beyruge Touristunnai eah hama eahgai Male' gai dhiriulhey rayyithunnahves Guest House thakah chuttee heydha kureveyne dhoru hulhuvaidhevvun edhi #DRP Leader Hon @chairmanjabir Tourism Minister arihun edhivadaigenfi@VaguthuOnline
— DRP (@drpmaldives) October 19, 2020
ޓޫރިޒަމްގެ ތަފާސް ހިސާބުތައް ދައްކާގޮތުން މިމަހުގެ 18 ވަނަ ދުވަހާއި ހަމައަށް ރާއްޖޭގެ ހަތަރު އަތޮޅަކުން ނުވަ ރަށެއްގައި ހިންގާ 29 ގެސްޓުހައުސްއެއް އަލުން ހުޅުވުމުގެ ހުއްދަ ވަނީ ދޫކޮށްފައެވެ.
އެ ރަށްތަކަކީ ނ. ފޮއްދޫ އާއި ކ. ހުރާ އާއި ކ. މާފުށި އާއި ކ. ގުރައިދޫ އާއި އއ. މަތިވެރި އާއި އއ.އުކުޅަސް އާއި އއ. ތޮއްޑޫ އާއި ވ.ތިނަދޫގެ އިތުރުން ވ. ފުލިދޫއެވެ.
ލްތު ޕްރޮޓެކްޝަން އެޖެންސީ (އެޗްޕީއޭ) އިން ވަނީ މީހުން ދިރިއުޅޭ ރަށްތަކުގައި ހިންގާ ގެސްޓު ހައުސްތައް ހުޅުވާއިރު އެރަށްތަކުގައި ދިރިއުޅޭ މީހުން މާސްކު އަޅަން ޖެހޭނެ ކަމަށް ބުނެފައެވެ.
އެގޮތުން ޓޫރިޒަމް މިނިސްޓްރީ އިން ވަނީ ގެސްޓްހައުސް ވިޔަފާރިކުރާ ރަށްރަށުގެ ރައްޔިތުންނަށް މާސްކް ހަދިޔާކުރަން ނިންމާފައެވެ.