ކްރިމިނަލް ކޯޓުގެ ފަނޑިޔާރުންނަށް ނިސްބަތްކޮށް ޕީއެންސީގެ ރައީސް އަބްދުއްރަހީމް އަބްދުﷲ (އަދުރޭ) ހަޑިހުތުރު ބަސް ބޭނުންކުރި މައްސަލާގައި ދައުވާކޮށްފިއެވެ.
އަދުރޭ ކްރިމިނަލް ކޯޓުގެ ފަނޑިޔާރުންނަށް ނިސްބަތްކޮށް ހަޑިހުތުރު ބަސް ބޭނުން ކޮށްފައި ވަނީ ރައީސް އަބްދުﷲ ޔާމީންގެ މައްޗަށް މަނީ ލޯންޑަރިންގެ ކުށް ސާބިތުވާ ކަމަށް ކަނޑައެޅުމަށް މިދިޔަ އަހަރުގެ ނޮވެމްބަރު މަހު ހުކުމް ކުރި ދުވަހު އިދިކޮޅު ސަޕޯޓަރުންނާއި ބައްދަލުކޮށް ވާހަކަދައްކަވައެވެ.
އަދުރޭ ވަނީ އެ މައްސަލަ ބެއްލެވި ފަސް ފަނޑިޔާރުންނަށް ނިސްބަތް ކުރައްވައި، ހުތުރު ބަހެއް ބޭނުން ކުރައްވައިފައެވެ. އަދި އެ ބޭފުޅުންގެ ވެރިކަމެއްގައި ފަސް ފަނޑިޔާރުން ޖަލަށްލާނެ ކަމަށް ވެސް އަބްދުއްރަހީމް ވިދާޅުވިއެވެ.
އަދުރޭ އަށް ކޮށްފައިވަނީ ހަޑި ހުތުރު އެއްޗެހި ކިޔުމާއި ހަޑިހުތުރު ބަސް ބޭނުން ކުރިކަމުގެ ދައުވާއެވެ. މި މައްސަލަ ކްރިމިނަލް ކޯޓަށް ހުށަހަޅާފައި ވަނީ މިއަދުގެ ވަގުތެއްގައެވެ.