ފުވައްމުލަކު ހޮސްޕިޓަލުގައި އޮތް ހާލު ބޮޑު ބަލި މީހަކު މާލެ ގެންދިއުމަށްޓަކައި އެމްއެންޑީއެފް ސަދަން އޭރިއާ އިން ސ. ގަމަށް ގެންދިއުމަށް ފަހު މާލެ ފޮނުވާލައިފި އެވެ.
އިއްޔެ ހެނދުނު 06:30 އެހާކަށްހާ އިރު އެމްއެންޑީއެފް ސަދަން އޭރިއާގެ ކުރަނގި ހެލިކެޕްޓަރުގައި ގަމަށް ގެންގޮސް ދީފައި ވަނީ ޏ.ފުވައްމުލަކު ހޮސްޕިޓަލުގައި އޮތް ފުވައްމުލަކު މާކޯނި، އުމުރުން 58 އަހަރުގެ މުޙައްމަދު ވަޙީދު އެވެ.
އޭނާ މާލެ ގެންދިއުމަށް ގަމަށް ގެންގޮސް ދީފައި ވަނީ ބީޕީ މާ ބޮޑަށް ދަށްވުމާއި ގުޅިގެން އަވަސް ގޮތެއްގައި މާލެ ގެންގޮސް ފަރުވާ ދިނުމަށް ޑޮކްޓަރުން ލަފާ ދެއްވުމާ ގުޅިގެން، ޏ.ފުވައްލަކު ހޮސްޕިޓަލުގެ އެދިލެއްވުމަކަށް ކަމަށް ވެސް އެމްއެންޑީއެފް ސަދަން އޭރިއާ އިން ބުންޏެވެ.