ފަންޑިތަ ހަދާ ކަމަށް ތުހުމަތު ކުރެވިގެން ސ. ހިތަދޫން އިއްޔެ ހައްޔަރު ކުރި އެ ރަށު ސޯމާ އިބްރާހީމް މަނިކު މިއަދު ދޫކޮށްލައިފި އެވެ.
އޭނާ ދޫކޮށްލައިފައި ވަނީ އޭނާގެ ބަންދާ މެދު ގޮތެއް ނިންމަން މިއަދު މެންދުރު ފަހު ހިތަދޫ މެޖިސްޓްރޭޓް ކޯޓަށް ގެންދިއުމާ ގުޅިގެން ކޯޓުން އެގޮތަށް އެންގުމާ ގުޅިގެންނެވެ.
އިބްރާހީމް މަނިކުގެ ދިފާއީ ވަކީލެއްގެ ގޮތުން މަސައްކަތް ކުރެއްވީ އެމްޑީޕީގައި އިސްކޮށް ހަރަކާތްތެރިވާ ވަކީލެއް ކަމަށްވާ އަބްދުﷲ ޝާއިރު އެވެ.
އިބްރާހީމް މަނިކު ކޯޓަށް ގެންދިޔަ ވަގުތާ ދިމާކޮށް އެމްޑީޕީ އަށް ތާއީދު ކުރާ ބައެއް މީހުން ކޯޓް ކައިރިއަށް އެއްވެ އޭނާ ދޫކޮށްލުމަށް ގޮވާލާފައިވެ އެެވެ.
ފުލުހުންގެ ދެކުނު ޑިވިޝަންގެ ކޮމާންޑަރު އިންސްޕެކްޓަރު އޮފް ޕޮލިސް އަހުމަދު ޝިފާން ވިދާޅުވީ އިބްރާހީމް މަނިކު ދޫކޮށްލި ނަމަވެސް އޭނާ އަތުން ފެނުނު ތަކެެތި ހުރީ ފުލުހުންގެ ބެލުމުގެ ދަށުގައި ކަމަށެވެ.
އޭގެ ތެރޭގައި ފަންޑިތާއި ސިހުރު ހަދާ މީހުން އާންމުކޮށް ބޭނުންކޮށް އުޅޭ ޒާތްޒާތުގެ ތަކެތި ހިމެނޭ ކަމަށް ވިދާޅުވި އެވެ. އަދި އިބްރާހީން ދޫކޮށްލި ނަަމަވެސް ފުލުހުން މައްސަލަ ތަހުގީގު ކުރަމުން ދާނެ ކަމަށް ޝިފާން ވިދާޅުވި އެވެ.