ފާއިތުވި 24 ގަޑި އިރުތެރޭ ރާއްޖެއިން 29 މީހަކު އަލަށް ކޮވިޑު-19 އަށް ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭއިން މިރޭ އާއްމު ކުރި ތަފާސް ހިސާބުތަކަށް ބަލާ އިރު އިއްޔެ ހަވީރު 6 އިން ފެށިގެން މިއަދު އިރުއޮއްސި 6 ޖެހުމާއި ހަމައަށް 29 މީހަކު ވަނީ ކޮވިޑު-19 އަށް ޕޮޒިޓިވްވެފައެވެ. އެއީ 17 ދިވެހިންނާއި 12 ބިދޭސީންނެވެ.
މިހާތަނަށް ރާއްޖެއިން ކޮވިޑަށް 12059 މީހުން ޕޮޒިޓިވްވެފައިވާ އިރު ފަރުވާ ދެމުން އަންނަނީ 812 މީހަކަށެވެ. ބަލިން 11199 މީހުން ވަނީ ރަނގަޅުވެފައެވެ. އަދި ބަލީގައި 41 މީހަކު ވަނީ މަރުވެފައެވެ.