ރާއްޖެއިން ކޮވިޑު-19 އަށް ޕޮޒިޓިވްވީ މީހުންގެ ޖުމްލަ އަދަދު 13،000 އިން މައްޗަށް އަރައިފިއެވެ.
ހެލްތު ޕޮރޮޓެކްޝަން އެޖެންސީ، (އެޗްޕީއޭ)އިން އާއްމުކޮށްފައިވާ ހިސާބުތަކުން ދައްކާ ގޮތުގައި އިއްޔެ އިރުއޮއްސި 6 ޖެހުމާއި ހަމައަށް ރާއްޖެއިން ކޮވިޑަށް ޕޮޒިޓިވްވީ މީހުންގެ ޖުމްލަ އަދަދު މިވަނީ 13،011 އަށް އަރާފައެވެ.
އެޗްޕީއޭއިން ބުނީ މިހާތަނަށް ރާއްޖެއިން ޖުމްލަ 244،621 ސާމްޕަލް ޓެސްޓު ކުރެވިފައިވާ ކަމަށެވެ. މީގެ ތެރޭގައި ރިޕީޓު ސާމްޕަލްތައްވެސް ހިމެނެއެވެ.
ކޮވިޑު-19 އަށް ފާއިތުވި 24 ގަޑި އިރު ތެރޭ 17 މީހަކު ޕޮޒިޓިވްވެފައިވާ އިރު 1499 ސާމްޕަލް ވަނީ ނަގާފައެވެ.
ރާއްޖޭގައި މިވަގުތު ބަލި ޖެހިފައިވާ 1019 މީހުން ތިބި އިރު އޭގެ ތެރެއިން 95 މީހަކަށް ހޮސްޕިޓަލްގައި ދަނީ ފަރުވާ ދެމުންނެވެ. ބަލި ޖެހުނު މީހުންގެ ތެރެއިން 11939 މީހުން ވަނީ ބަލިން ފަސޭހަވެފައެވެ. އަދި މި ބަލީގައި ރާއްޖެއިން 46 މީހަކު ވަނީ މަރުވެފައެވެ.