ރާއްޖޭގައި ކޮވިޑު-19 އަށް ޕޮޒިޓިވްވާ މީހުންގެ އަދަދު ދަށްވާން ފަށާފައިވާ އިރު ފާއިތު 24 ގަޑި އިރު ތެރޭ ބަލި ޖެހިފައިވާ މީހުންގެ އަދަދު 10 އަށް ތިރިވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ އާއްމު ކުރި ހިސާބުތަކުން ދައްކާ ގޮތުގައި ފާއިތު 24 ގަޑިއިރު ތެރޭ 2297 މީހަކު ވަނީ ޓެސްޓު ކުރެވިފައެވެ. އޭގެ ތެރެއިން ބަލި ޖެހިފައިވަނީ އެންމެ 10 މީހެކެވެ.
ކޮވިޑު ޖެހިފައިވާ 54 މީހަކަށް ހޮސްޕިޓަލްގައި ފަރުވާ ދެމުން އަންނަ އިރު ބަލި ޖެހިފައި މިވަގުތު ތިބީ 561 މީހެކެވެ.
މިހާތަނަށް ޖުމްލަ 276،944 މީހެއްގެ ސާމްޕަލް ވަނީ ނަގާފައެވެ. ރާއްޖެއިން މިހާތަނަށް ބަލި ޖެހުނު ޖުމްލަ އަދަދަކީ 13402 މީހެކެވެ.
މި ބަލީގައި ރާއްޖެއިން މިހާތަނަށް ވަނީ 48 މީހަކު މަރުވެފައެވެ.