އެމްޑީޕީގެ އައްޑޫ ސެކްރެޓަރީ ޖެނެރަލް އިބްރާހީމް ސޮބްރީ މިއަދު ހައްޔަރު ކުރީ ފުލުހުންނަށް ކޯޓުން ކޮށްފައިވާ އަމުރެއްގެ ދަށުން އޭނާ ޑީޕީއާރްއެސް އާ ހަވާލު ކުރަން ކަމަށް ފުލުހުން ބުނެފި އެވެ.
ފުލުހުންފެ ދެކުނު ޑިވިޝަންގެ ކޮމާންޑަރު ޗީފް އިންސްޕެކްޓަރު އަހުމަދު ޝިފާން ވިދާޅުވީ ސޮބްރީއަކީ އެއް މަސް ދުވަހުގެ ޖަލު ހުކުމެއް އިއްވާފައިވާ ބޭފުޅަކަށްވާތީ އޭނާގެ ހުކުމް ތަންފީޒު ކުރަން ޑީޕީއާރްއެސް އާ ހަވާލު ކުރަން ޖެހޭ ކަމަށެވެ.
ސޮބްރީގެ އެއް މަސް ދުވަހަށް ޖަލަށް ލާން ހުކުމް ކުރީ ނޮވެމްބަރު 6، 2006 ގައި "ނަމޫނާ" ދޯނީގައި މާލެ ދާން ފުރި މައްސަލާގަ އެވެ.
ސަރުކާރުން ބުނެފައި ވަނީ އެއީ ދައުލަތާ ދެކޮޅަށް ހިންގާފައިވާ ޓެރަރިޒަމްގެ އަމަލެއް ކަމަށެވެ.
"ނަމޫނާ" ދޯނިން މާލް ދާން ފުރި 45 މީހަކު ހައްޔަރުކޮށް، އޭގެ ތެރެއިން 16 މީހެއްގެ މައްޗަށް ދައުވާކޮށް، 2007 ވަނަ އަހަރު ހަތް މީހެއްގެ މައްޗަށް އެއް މަސް ދުވަހުގެ ޖަލު ހުކުމެއް އިއްވާފައިވެ އެވެ.