ރާއްޖޭގައި ފުޅާ ދާއިރާއެއްގައި ވިޔަފާރި ކުރަމުން އަންނަ "ލައިފް ސަޕޯޓު" އިން ހިތަދޫގައި އާ ފިހާރައެއް ހުޅުވައިފިއެވެ.
އައްޑޫ އިކުއިޓޯރިއަލް ހޮސްޕިޓަލް (އޭއީއެޗް)ގެ އިމަޖެންސީ ގޭޓު ކުރިމައްޗަށްވާ ގޮތަށް ރޭ ހުޅުވި މި ފިހާރަ ހުޅުވައިދެއްވީ ރައްޔިތުންގެ މަޖިލީހުގެ ހިތަދޫ ދެކުނު ދާއިރާގެ މެމްބަރު އަދި ކުރިއަށްއޮތް ލޯކަލް ކައުންސިލްގެ އައްޑޫ މޭޔަރު ކަމަށް އެމްޑީޕީ ޓިކެޓު ހޯއްދަވާފައިވާ އަލީ ނިޒާރުއެވެ.
ލައިފް ސަޕޯޓުން ރޭ ހުޅުވި މި ފިހާރައިން މަޝްހޫރު އެބޮޓް ކުންފުނީގެ ބޭސްތަކާއި، އިގިރޭސި ވިލާތާއި ދުބާއިން ގެނެސްގެން ވިއްކާ ޕްރޮޑްކްޓްތަށް ލިބޭނެ އިންތިޒާމް ވަނީ ހަމަޖައްސާފައެވެ.
ފިހާރަ ހުޅުވުމުގެ ރަސްމިއްޔާތުގައި ވާހަކަ ދައްކަވަމުން އެކުންފުނީގެ ޖެނެރަލް މެނޭޖަރ އަބްދުﷲ މައުމޫން ވިދާޅުވީ އައްޑޫގައި ހުޅުވި ފިހާރައިން އެކުންފުނީގެ މާލޭގެ ފިހާރަ ތަކުގައި ވިއްކާ އަގުގައި ހުރިހާ ބާވަތެއްގެ ޕްރޮޑަކްޓު ލިބޭނެކަމަށެވެ. އަދި ކުރިއަށްއޮތް ތަނުގައި އިތުރު ޕްރޮޑަކްޓްސްތައް އައްޑޫއަށް ގެނެވޭނެކަމަށް މައުމޫން ވިދާޅުވިއެވެ.
މައުމޫން ވިދާޅުވީ އެކުންފުނިން ގެނެސް ރާއްޖޭގައި ވިއްކާ ހުރިހާ ޕްރޮޑަކްޓަކީވެސް އިތުބާރު ހިފޭ ދިނިޔޭގެ ކުރިއަރާފައިވާ ގައުމުތަކުގައި ވިއްޖާ ޕްރޮޑަކްޓު ކަމަށެވެ. އެގޮތުން އަންހެންބޭފުޅުންނަށް ހާއްސަ ބެލާ ޕްރޮޑަކްޓްސް އާއި އެންޝުއާ، ވައިޓަވައިޓިކްސް، ޕިޖަން ބްރޭންޑުގެ ސާމާންގެ އިތުރުން، ސްޓާބާމް ޕްރޮޑަކްޓުތައް އައްޑޫން ލިބޭނެ އިންތިޒާމް ވަނީ ހަމަޖައްސާފައެވެ.
ލައިފް ސަޕޯޓުގެ ތިން ފިހާރައެއް މާލޭގައި ހިންގަމުން އަންނަ އިރު މިދިޔަ އަހަރު މޭއި މަހު އެކުންފުނިން ވަނީ "ސަފެއާ"ގެ ނަމުގައި މޭކަޕް ކުރާ ޕްރޮޑަކްޓްތަކާއި ސެންޓުގެ އިތުރުން ޕާސަނަލް ކެއާއަށް ބޭނުންވާ ޕްރްޑަކްޓް ވިއްކާ ފިހާރައެއް ހުޅުވާފައެވެ.
މީގެ އިތުރުން ލައިފް ސަޕޯޓުގެ ހޯލްސޭލް ސެންޓަރެއް ހެދުމުގެ މަސައްކަތް ވެސް ވަނީ ފަށައިފަ އެވެ. އަދި އަންނަ އަހަރު އެތަނުގެ ހިދުމަތް ފެށޭވަރުވާނެ ކަމަށް ބެލެވެ އެވެ. ހޯލްސޭލްގެ އިތުރުން ސިއްހީ ހިދުމަތްތަކެއް ފޯރުކޮށްދިނުމަށް ވެސް ނިންމާފައިވެ އެވެ. ގޭގެއަށް ގޮސް ބަލި މީހުންގެ ސާމްޕަލް ނެގުމާއި، ބްލަޑްޝުގާ ޗެކްކޮށްދިނުމާއި، ނެބިއުލައިޒް ކުރުމާއި، ޓިއުބް ފީޑިން އަދި އިންޖެކްޝަން ޖަހައިދިނުމުގެ ހިދުމަތް ވެސް އެތަނުން ލިބޭނެ އެވެ.
މީގެ އިތުރުން ފާމަސީ އެމްވީ އިން އޮންލައިން ފާމަސީގެ ހިދުމަތްތައް ވެސް މިސަރަހައްދުގައި ފަސޭހަކަމާއެކު ލިބޭނެ ގޮތަށް މިހާރުދަނީ މަސައްކަތްކުރެވެމުންނެވެ. އަދި އަންނަ އަހަރު މި ހިދުމަތްތައް ފެށުމަށް އަންނަނީ ތައްޔާރުވަމުންނެވެ