ސ. އަތޮޅު މަދަރުސާ އިން ތަޢުލީމު ޙާސިލު ކުރި ދަރިވަރުންގެ ތެރެއިން މިދިޔަ އަހަރު ހުރިހާ ގޮތަކުން އެންމެ ރަނގަޅު ދަރިވަރަކަށް މީދޫ ވިޔާޝް މުހައްމަދު ޔޫސުފް ހޮވައިފި އެވެ.
މިދިޔަ އަހަރު ހުރިހާ ގޮތަކުން އެންމެ މޮޅު ދަރިވަރަކަށް ޔޫސުފު ހޮވިކަން އިޢުލާން ކޮށްފައި ވަނީ 2012 ވަނަ އަހަރު ސ. އަތޮޅު މަދަރުސާގައި ތަޢުލީމު ޙާސިލުކުރި ދަރިވަރުންގެ ތެރެއިން އެކިއެކި ރޮނގުތަކުން ވަނަތަށް ޙާސިލު ކުރި ދަރިވަރުންނަށް އިނާމު ދިނުމަށް ރޭ ބޭއްވި ޚާއްސަ ޖަލްސާގަ އެވެ
ޔޫސުފަށް ހުރިހާ ގޮތަކުން އެންމެ ރަނގަޅު ދަރިވަރަކަށް ދެއްވުމަށް ހަމަޖެހިފައިވާ ސޭޝްއާއި ޓްރޮފީ އާއި ހަނދާނީ ލިއުން އަދި ރައީސުލް ޖުމްހޫރިއްޔާ ދެއްވާފައިވާ ޚާއްސަ އިނާމާއި މިނިސްޓްރީ އޮފް އެޑިއުކޭޝަނުން ދެއްވި ޚާއްސަ އިނާމުގެ އިތުރަށް 2012 ވަނަ އަހަރު ހުރިހާ ގޮތަކުން އެންމެ މޮޅުދަރިވަރަކަށް ހޮވޭ ދަރިވަރަކަށް މީދޫ ނަރުގިސް ޝިޔާސާ ރަޝީދު ދެއްވާފައިވާ ލެޕްޓޮޕް ޔޫސުފް އާ ހަވާލުކޮށް ދެއްވީ ޖަލްސާގެ ޝަރަފުވެރި މެހުމާން، އައްޑޫގެ ތައުލީމާ ބެހޭ ޔުނިޓްގެ ސްޕްރިންޓެންޓް ފާތުމަތު ނަސީރެވެ.