Last Updated: April 24, 01:24
Thursday, April 24, 2025
ޚަބަރު

ބިއްލޫރި ޕެލެޓެއްގެ ދަށުގައި މީހަކު ތާށިވެއްޖެ

މާލެ ވިޔަފާރި ބަނަދަރުގައި ބިއްލޫރި ޕެލެޓެއްގެ ދަށުގައި ތާށިވެފައިވާ މީހަކު ސަލާމަތް ކުރުމުގެ މަސައްކަތް ސިފައިން ކުރަމުން އެބަދެއެވެ.

މައުލޫމާތު ލިބިފައިވާ ގޮތުގައި ކޮންޓެއިނަރެއްގައި އޮތް ބިއްލޫރި ޕެލެޓެއް ފޯކް ލިފްޓުގެ އެހީގައި ބާލަން އުޅުމުގެ ތެރޭގައި ޕެލެޓު ވެއްޓި ދެމީހަކު ޒަހަމްވެފައިވާ އިރު އޭގެ ތެރެއިން އެކަކު އަދިވެސް އޮތީ ބިއްލޫރި ޕެލެޓު ދަށުގައި ތާށިވެފައެވެ. ޒަހަމްވި ދެވަނަ މީހާއަށް މިާރު ދަނީ ފަރުވާ ދެމުންނެވެ. އެމީހާ ވެސް ވަނީ ވަރަށް ބޮޑަށް ޒަހަމްވެފައެވެ.

އެމްއެންޑީއެފްގެ މީޑިއާ އޮފިޝަލް އިބްރާހިމް އާޒިމް ވިދާޅުވީ މީހާގެ ގައިމައްޗަށް ވެއްޓިފައިވާ ބިއްލޫރި ޕެލެޓުގެ ބޭރު ކަފާލައިގެން އެމީހާ ސަލާމަތް ކުރުމަށް ފަހު ފަރުވާ ދިނުމަށް މިހާރު އައިޖީއެމްއެޗަށް ގެންދާ ކަމަށެވެ. ނަމަވެސް އެމީހާއަށް ލިބިފައިވާ ގެއްލުމުގެ ތަފްސީލެއްް އާޒިމް ނުދެއްވައެވެ.

ތަފްސީލް އަންނަނީ….