ލ. ފޮނަދޫން ކޮވިޑު-19 އަށް ޕޮޒިޓިވްވީ މީހުންގެ އަދަދު 4 އަށް އަރައިފިއެވެ.
ފޮނަދޫން ކޮވިޑަށް ޕޮޒިޓިވްވެފައިވަނީ އެއް އާއިލާއެއްގެ ހަތަރު މީހެކެވެ. އެއީ އަންހެނަކާއި އޭނާގެ ތިން ކުދިންނެވެ.
ފޮނަދޫން ކޮވިޑަށް އެންމެ ފުރަތަމަ ދެމީހަކީ ގއ. ދެއްވަދޫން އެރަށައް ދިޔަ ދެމީހުންނެވެ. އެމީހުން ކޮވިޑަށް ޕޮޒިޓިވްވިކަން އެނގުނީ ބަލީގެ އަލާމާތް ފެނިގެން ޓެސްޓު ކުރުމުންނެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނީ ގއ ދެއްވަދޫއިން ލ. ފޮނަދޫއަށް ދަތުރުކުރި 4 މީހަކު ކޯވިޑް-19ގެ އަލާމާތްތައް ހުރެގެން ޕީ.ސީ.އާރު ޓެސްޓް ހެދިއިރު ވަނީ ޕޮޒިޓިވްވެފައި. ވީމާ، ކޮންޓެކްޓް ޓްރޭސިންގ ނިމެންދެން ލ. ފޮނަދޫ އާ އެއްފަސް ވެފައިވާ ރަށްތައް ވަނީ މޮނިޓަރިންގ އަށް ލެވިފައިކަމަށެވެ. އެގޮތުން މޮނިޓަރިންނަށް ލެވިފައިވަނީ ލ. ފޮނަދޫ އާއި ލ. ގަމެވެ.
ލ. ފޮނަދޫން 4 މީހަކު ކޮވިޑަށް ޕޮޒިޓިވްވީއިރު ގއ. ދެއްވަދޫން 7 މީހަކު ޕޮޒިޓިވްވެ އެރަށް ވަނީ މޮނިޓަރިންގެ ހާލަތަށް ގެނެސްފައެވެ. އެޗްޕީއޭއިން ބުނީ ގއ. ދެއްވަދޫގައި ބަލި ފެތުރިފައިވަނީ ނުބައި މައުލޫމާތުތަކެއް ދެވިގެން ކަމަށެވެ.